طريقة عمل المقلوبة العراقيه بالصور...}

طريقة عمل المقلوبة العراقيه بالصور...}

بالصور ،خطوات عمل المقلوبة العراقية

المقادير:

- أرز.
- باذنجان .
- طماطم
- بطاطا مسلوقة
- بصل ولحم
- معجون طماطم
- ملح
- مكعبات ماجي وللتنويع ممكن اضافة الفطر المقلي او الفول او البزاليا

العمل:

ينقى الرز ويغسل ويطبخ بماء مخلوط بمعجون الطماطم ومضاف اليه مكعبات الماجي
في هذه الاثناء نقلي اللحم مع البصل والطماطه والبطاطا المسلوقة كل على حده
والباذنجان المنقوع بالماء البارد والملح للتقليل من امتصاص الزيت،طبعا كل شئ على حده
يكون الرز قد نضج نصف نظوج ...
نرفعه ونضع نصفه في قدر يفضل يكون تيفال مدهون بالسمنة ( الدهن)
ثم نضع اول طبقة نصف كمية الباذنجان،وبعدها طبقة اللحم والبصل
نضيف البطاطا المقلية،وبعدها الطماطم المقلية
ثم بقية الباذنجان المقلي .... وبقية الرز النصف مطبوخ , ثم يغطى ويرجع على النار الهادئة
ملاحظة يمكن اضافة الفطر المقلي او الفول او البزالية او القرنبيط المقلي حسب رغبتك قبل اضافة الكمية الثانية من الرز
بعد ان ينظج يقلب في صحن كبير ويقدم مع السلطات
والف عافيه

المصدر: منتديات عراقي أنا

السلام عليكم ورحمة الله وبركاته
شكرا يا بنت القطيف
شكلها يشهي والله
وريحة اللحم و البصل
وصلت يمي.. اللللللله....

مشكوور ع المرور أخي العزيز عبد الله
والحمد لله الطبخه عجبتك

يله ماتسونه يابنات المنتدى
هاي الاكله وزوعها عل الاعضاء اللي مامتزوجين
واللي متزوجين الهم الله ياشبعانين من هذا الطيب
مشكورة يابنت القطيف

والله شهيتيني صار فترة ما مسويتها ذكرتيني بيها

عاشت ايدج

تقبلي اطلالتي

الاداره نسويها ونوزعها ع الجميع بس شلون نوصلها الكم !!!
مشكوور يالغالي ع المرور
ولاحرمت هالتواجد الجميل

النور المقدس
يلا سويها ووزعيها ع أعضاء المنتدى
أكيد من يدج كلش طيبه
مشكوره ياعمري ع المرور
ولاحرمت هالطله الحلوه

ماكو داعي بنات اتسوه عبدالله نفسه كلش طيب بالاكل يسويه وياكله هو والاداره ههههههه

اي حلو اسراء ومنها يوزعون علينا ونذوق طباخهم
ههههههههه
اهم شي ماكو زياره للمستشفى
هههههههه

لا ماكو زياره لا تخافين الطيب ما يقدم الا طيب