جديد الموقع : مسابقة تكلمة الدارمي بقيادة الشاعر حسين الساعدي ::أتلاوه ويه الضيم  «»   الشاعر محمود المدرس تصدح حنجرته بحب صاحب الذكرى الامام ابي محمد الحسن  «»   الشاعر محمود مري  «»   مساجلة الغربيل بقيادة الشاعر علي الركابي  «»   مساجلة ولادة الاقمار الاطهار عليهم السلام ::الشاعر حسين الساعدي  «»   الليله ميلاد الحُسين الليله–صلاوات الشاعر حسين الساعدي  «»  

أربع زلم ربيت بس ما يوافون

الشاعر حسين الساعدي
تعالو نتساجل بالجديد المباشر فقطط
والدعوه عامه
أربع زلم ربيت بس ما يوافون
ضليت اجدي ارباع من اليمرون!
االساعدي
—————————
تفاحة ادم
اربع زلم ربيت بس مو ليه
من شافو النسوان كلبو عليه
—————————
حسين الركابي
عمي الزمن دوار داين او مديون
واولاد اليبيعوك….حتمن يبيعون
—————————
الشاعر حسين الساعدي
اربع زلم ربيت والعيشه كشره
وم اللفاني الضيم ذبوني بره!
—————————
حسين الركابي
اربع زلم ربيت…….. تتمنه ميتين
وكت العزتهم حيف ماسرو العين
—————————
الشاعر حسين الساعدي
اربع زلم ربيت وبهاي اديه
ياهو الاطلبه ايكول انه اشعليه!
—————————
الشاعر حسين الساعدي
بالشارع ايذبون شيبة زماني!
اربع ززلم ياحيف محد لفاني!
—————————
حسين الركابي
اربع زلم ربيت ….خانو خبزتك
من الهم احتاجيت باعو كبرتك
—————————
حسين الركابي
ياحجي والعباس همه اليندمون
يفتر وكتهم يوم من دم ينحبون
—————————
حسوني الخفاجي
اربع ازم ربيت كلهم بديه
تالي وكت عوز شحو عليه
—————————
حسين الركابي
اشكي الجرالك ريت للعينه متنام
گله التعب منكور من صارو ازلام
—————————
الشاعر حسين الساعدي
اربع زلم ياحيف محد وفه اوياي
تاليها اجدي ارباع خلتني دنياي!!
—————————
الشاعر حسين الساعدي
ضيم ومرض والعوز والعيشه صعبه
اربع زلم واشلون ذبوني ذبه!
—————————
طارق الورد
اربع زلم ربيت حسبالي اني
صارو علي هموم ويه زماني
—————————
حسوني الخفاجي
اربع ازم ياناس اني جبتهم
تاليه بحسرات خلوني كلهم
—————————
حسوني الخفاجي
اربع زلم ربيت تركوني وحدي
ابجي على طول اليل وايدي على خدي
المحامي،،،
—————————
حسين الركابي
أربع زلم ياناس………..خلوني بالهيم
وضلت تون هالروح ماتحمل الضيم
—————————
الشاعر حسين الساعدي
اربع زلم واشلون متعجب ابهاي!!
لو بادلت بجلاب جا نصحو اوياي!!
—————————
طارق الورد
اربع زلم ربيت تركوني وحدي
طردوني من البيت كمت اني اجدي
—————————
الشاعر حسين الساعدي
اربع زلم والعين صبت عليهم
شالوني بره البيت عاشت اديهم!
—————————
حسوني الخفاجي
اربع زلم ربيت وجنت احسب حساب
ما جنت اظن ياناس يتركوني بلباب
—————————
الشاعر حسين الساعدي
اربع زلم ياناس نكروا حناني
خلوني ويه العوز وانه وزماني!
—————————
الشاعر حسين الساعدي
وبطردتي امن الدار ذيج المسيه!
حسبالي اروح ابساع ويه المنيه!
—————————
الشاعر حسين الساعدي
صباح العراقي
اربع زلم ياخوي والملكه يسوه
ماجنت اضن ياهوي يغدر زماني
—–يحتاج مراجعه!!
—————————
الشاعر حسين الساعدي
اربع زلم ياناس شوفو المصيبه
كلمن يكول اهناك لحد يجيبه!!
—————————
حسوني الخفاجي
اربع زلم ربيت جنت انتضرهم
وبطيحتي ياناس نكرو اصلهم
المحامي،،،
—————————
ابو سجاد محمد
اربع زلم ذبوك مو بزره جيفه
يشبه عملهم چان بهل السقيفه
—————————
الشاعر حسين الساعدي
اربع زلم ياحيف طلعوا دواعش
ذبوني ذبة موت ماجني عايش!
—————————
طارق الورد
اربع زلم ربيت ياخويه يحسين
وجبت عشانه اليوم صدكني بالدين
—————————
صباح العراقي
اربع زلم ياناس والملكه يسوه
من صارت صدك ياخوي نكرو عشرتي
—————————
طارق الورد
اربع زلم ربيت ياربي تدري
افتر عله الطيبين نزلت قدري
—————————
حسوني الخفاجي
اربع زلم ربيت وتحملت هم
تاليه بلويلات وتجرع السم
—————————
حسوني الخفاجي
اربع زلم ربيت بدمعة العين
تالي ياناس طلعو ملاعين
—————————
حسوني الخفاجي
اربع زلم ربيت كلهم احبهم
مافرطت ياناس والكعبه بيهم
—————————
الشاعر حسين الساعدي
صباح العراقي
اربع زلم ياناس والملكه يسوه
من صارت صدك ياخوي نكرو عشرتي
لا وزن ولاقافيه !!
تكدر تكول—-
اربع زلم ياناس مابيها نخوه
والعيشه مدري اشلون جايبها كوه!
—————————
الشاعر حسين الساعدي
اربع زلم وتكول سهله وبسيطه!
ذبوني بعد الشيب مثل السكيطه!
االساعدي
—————————
ابو سجاد محمد
اربع زلم ماريد صدگني اهواك
بس ودي خويه حسين اتريگ وياك
—————————
الشاعر حسين الساعدي
اربع زلم ربيت والذله صعبه
كالولي هذا البيت بالك تطبه!
االساعدي
—————————
الشاعر حسين الساعدي
اربع زلم ربيت يادمع العيون
ذبوني اجدي ارباع ويه اليجدون!
—————————
ابو سجاد محمد
اربع زلم ربيت ماچني ربيت
بخت الچناين صار الهن صفه البيت
—————————
حسوني الخفاجي
اربع زلم ربيت كلهم بوحدي
ياربي ترضه بهاي تاليه اجدي
—————————
الشاعر حسين الساعدي
اربع زلم ياحيف ماجازو ارباي!
يوم الغزاني الشيب محد وفه اوياي!
—————————
الشاعر حسين الساعدي
اربع زلم ياحيف نكروا دَلالي
غير القهر والعوز محد بقالي!
—————————
حسوني الخفاجي
اربع زلم ياناس رضعوا حليبي
خلوني جدي نوب هاذه نصيبي
—————————
الشاعر حسين الساعدي
بالبصره لو ونيت ونه القويه
تخسف بارض ميسان والناصريه!
—————————
الشاعر منذر الدراجي
أربع زلم ياحيف ربت أديه
يدعولي أموت بساع كبل المسيه
—————————
الشاعر حسين الساعدي
اربع زلم ربيت واكبر جريمه
ذبونه بره البيت شوفو الهضيمه!!
—————————
حسوني الخفاجي
بناصريه هناك لوتبجي العيون
تلكاني الك منديل وينشف لجفون
—————————
الشاعر حسين الساعدي
تسلم وابد متشوف دمعات العيون
الا ابمحرم كون ويه اليعزون
—————————
الشاعر منذر الدراجي
أربع زلم تنقاس بأشباه الرجال
صدكني ذول انجاس وكلهم انذال
—————————
الشاعر حسين الساعدي
اربع زلم ياحيف نكروني كلهم
يوم الحشر محتار مدري اشأكلهم!
—————————
حسوني الخفاجي
ربي يحفظك دوم انت ياغالي
وتبقى علم يرف دوم فوك العالي
—————————
الشاعر حسين الساعدي
ذبوني ولدي اشلون وسط الشوارع
والمشكله ايعرفون درب الجوامع!
—————————
حسوني الخفاجي
اربع زلم ربيت وضاعة رباتي
ما وفو تالي وياي تسواهم عباتي
—————————
الشاعر منذر الدراجي
درب الشوارع ليش ودرب الجوامع
كله فد قدر مكتوب ربك يباوع
—————————
الشاعر حسين الساعدي
اربع زلم واهناك عافوني وحدي
والعازه صعبه اهواي ضليت اجدي!
—————————
الشاعر منذر الدراجي
بالك تذلهه الروح وتجدي بيدك
صدكني بالعباس محد يفيدك
—————————
الشاعر حسين الساعدي
حيف والف ياحيف ماجازو الشيب!
غدروني منهم كام يتعلم الذيب!
—————————
حسوني الخفاجي
اربع زلم وشلون تاليه ربي
حيف والف ياحيف تاليه اجدي
—————————
الشاعر حسين الساعدي
العازه يبن الناس كلش اذيه
واهناكَ من االجوع مديت اديه!
—————————
الشاعر منذر الدراجي
مديت اديه بساع للناس اجدي
أربع زلم ياحيف خلوني وحدي
—————————
الشاعر حسين الساعدي
اربع زلم ربيت شفت الندامه
ما حصلت برباي غير الملامه!
—————————
الشاعر منذر الدراجي
مد رجل مد ذراع العازة مره
أربع زلم بالبيت ذبوني بره.
—————————
وليد ياسين
اربع زلم ربيت وانت بسلامه
ما حصلت ياخوي بس الندامه
—————————
الشاعر حسين الساعدي
عازه ومرض واسنين هالشيبني
واربع زلم ياحيف تتخله مني!
—————————
حسوني الخفاجي
اربع زلم ربيت هاي قضيه
لمن كتلني الجوع مديت اديه
—————————
وليد ياسين
مدرج طريح فراش والون كتلني.
وحتى الرضعة وياه شو جفل عني.
—————————
الشاعر حسين الساعدي
لو راوست بجلاب هم احسن اهواي
اربع زلم ربيت محد وفه اوياي!
—————————
الشاعر منذر الدراجي
موبالكبر يحسين صدكني بالساس
أربع زلم أشباه بالزلم تنقاس
—————————
حسوني الخفاجي
ضيم وقهر ياناس خلصت حياتي
وربع زلم ربيت نكرو ا رباتي
—————————
الشاعر حسين الساعدي
اربع زلم ربيت واشكد اداري
ذبوني بره البيت ماتطفه ناري
—————————
الشاعر حسين الساعدي
اربع زلم ياناس صعبه القضيه
يتخله عني ابساع تربات اديه!
—————————
الشاعر منذر الدراجي
راوست ماخليت كل زلمه عندي
أربع زلم وتسيل دمعة إعلا خدي
—————————
الشاعر حسين الساعدي
اربع زلم ربيت بس تالي الايام
ذبوني بره البيت ماجنهم اسلام!
—————————
الشاعر حسين الساعدي
اربع زلم والعوز كلش غزاني
يوميه اشوف الموت بس ماخذاني!
—————————
الشاعر حسين الساعدي
اربع زلم والعين تحرك بالدموع
ذبوني بره البيت وبساعة الجوع!
—————————
الشاعر حسين الساعدي
اربع زلم ياحيف كلهم نسوني
وسط الشوارع يوم شو ما اجوني!
—————————
حسوني الخفاجي
اربع زلم ربيت وجنت اظن بيهم
لمن غزاني شيب تغير حجيهم
—————————
الشاعر منذر الدراجي
بالك تظن العوز مابيه اذيه
أربع زلم ورثوه كبل المنيه
—————————
الشاعر حسين الساعدي
اربع زلم ياناس عافوني وبساع
مادرو بيه اشلون نايم عله الكاع
—————————
الشاعر حسين الساعدي
اربع زلم والروح تعتب عليهم
دفعوني مدري اشلون بثنين اديهم!
—————————
الشاعر منذر الدراجي
حسرة بدليلي تفور ماتبرد بماي
أربع زلم وشلون ماوفو وياي
—————————
الشاعر حسين الساعدي
اربع زلم ربيت ومداري برباي
اربع ولد ياحيف محد وفه اوياي
—————————
حسوني الخفاجي
اربع زلم ربيت ومانمت ليلي
تاليه جدي نوب من عمت عيني
—————————
وليد ياسين
اربع زلم ربيت ياربي تدري
ذبوني عد شمات وبتالي عمري.
—————————
الشاعر حسين الساعدي
اربع زلم واشلون ما جنهم اسلام
كالوا ابونه ايروح بالشارع اينام!
—————————
حسوني الخفاجي
حيف والف ياحيف على انكروني
ربع زلم ربيت تالي شمروني
—————————
الشاعر منذر الدراجي
لا تظن ميحسون بيك انتة غايب
أربع زلم ربيت مثل العكارب.
—————————
الشاعر حسين الساعدي
اربع زلم مجروح ذبوني بره
كالولي هذا البيت بالك تمره!
—————————
الشاعر منذر الدراجي
لاتشكي من الراح سولفلي عالجاي
أربع زلم وتكول ما ظلوا وياي
—————————
الشاعر حسين الساعدي
اربع زلم ياعين صبي بدمعتج
مارضو بيج ابيوم المن رجعتج!
—————————
الشاعر منذر الدراجي
إسأل وأريد اجواب منكم يالكرؤب
أربع زلم نسوان لو تلبس الثوب
—————————
الشاعر حسين الساعدي
اربع زلم ربيت ممنوع اجيهم
والمشكله ابهل روح حنت عليهم!
—————————
الشاعر منذر الدراجي
ارد انشد العقال وأهل الملامه
أربع زلم هل يوم صارو يتامه
—————————
الشاعر حسين الساعدي
اربع زلم ربيت واشكد احبهم
بس هالقساوه امنين طبت كلبهم!
—————————
الشاعر منذر الدراجي
فكرت بالموضوع ظل عقلي حاير
بيوم الحشر لله شتكله بأجر
—————————
حسوني الخفاجي
ربع زلم ربيت كلهم على ايدي
من جتهم نسوان نهجم بيتي
—————————
الشاعر حسين الساعدي
شيبت وادري الشيب مستعجل اهواي
اربع زلم ربيت مانصحو اوياي
—————————
الشاعر منذر الدراجي
مو بالمشيب انكول صار ابيض الراس
أربع زلم ياحيف ماعدهم إحساس.
—————————
الشاعر منذر الدراجي
أبيض شعر عالراس وعيوني هم بيض
ودموعي عالوجنات من عيني تفيض
—————————
حسوني الخفاجي
يل رايح الله وياك بخير اشوفك
وشماتمر لحظات لا ظن اعوفك
—————————
جليل الغريب
أربع زلم ربيت مابيهم الزين
بدار الحضانه هناك ذبوني يحسين
—————————
جليل الغريب
أربع زلم ربيت اشهد يلاهي
ماطلع بيهم خير كسرولي جاهي
—————————
جليل الغريب
أربع زلم ربيت مابيهم الحيد
من وكع مني الحيل ذبوني بالبيد
—————————
الشاعر عباس الدلفي
أربع زلم ربيت يا ربي شتكول
ما بيهم الوفاي ويلزمل حمول
—————————
حسين الركابي
أربع زلم ربيت …كل ظني خيمه
ثاري الوفه والطيب منهم عديمه
—————————
الشاعر عباس الدلفي
لأ تمن بدنياك لا تركنلها
بساعه وتخون وياك ويوازي ذلها
—————————
قاسم الكعبي
راح التعب ورباي وكل ذيج الاسنين
خلوني امــد الايــد وين الولــد وين
—————————
حسين الركابي
اربع زلم ربيت…….. تچايه ظنيت
لاكن غزاني العوز ماوصلو البيت
—————————
الشاعر عباس الدلفي
اربع زلم ربيت ما بيهم اليوفي
ذل وكصر ممشاي ونعدم شوفي
—————————
حسين الركابي
أربع زلم ربيت بدموع العيون
ياوسفه راح ارباي للمايوافون
—————————
الشاعر عباس الدلفي
اربع زلم ربيت وتحملت ضيم
جا من كصر ممشاي ذبوني بلهيم
—————————
حسين الركابي
أربع زلم ربيت.. .. متفاخر اهواي
لاكن والف ياحيف ماجازو ارباي
—————————
حسين الركابي
يااااا گلبي مااااابياش مليته هالضيم
محد يوافي الطيب روح اسكن الهيم
—————————
الشاعر عباس الدلفي
اربع زلم ربيت ردت احسب احساب
من يرك بيه الشيب بيهم ارد شاب
—————————
الشاعر عباس الدلفي
خلاني وكتي بعوز للربعه شلون
وهمه انكرو كل طيب ماضن يوافون
—————————
حسين الركابي
ماظن يروح الشيب ايس يعمي
من همك الدلال كل ساعه يدمي
—————————
حسين الركابي
أربع زلم ربيت …………مامره ظنيت
اوحيدي اموت اشلون متوسط البيت
—————————
حسين الركابي
أربع زلم ربيت ………..والفرحه برباي
بس من غزاني الشيب محد وفه وياي
—————————
الشاعر عباس الدلفي
اصبر وكول تهون وجالد بصبري
لاجن الف يا حيف علغنو بكسري
—————————
حسين الركابي
أربع زلم ربيت ….. ياربي غلطان
ريته العمر لاطال لاصير ابو افلان
—————————
حسين الركابي
أربع زلم ربيت……. يالدلفي باريت
عافوني وكت العوز وتمنه لوميت
—————————
قاسم الكعبي
يولادي اتمرون بالمر علية
ابوكم انه ومديت للغير ادية
—————————
حسين الركابي
أربع زلم ربيت…….. بيهم تنخيت
عايش وحيد اشلون بويه اني بالبيت
—————————
حسين الركابي
أربع زلم ربيت گلت اني ماعوز
ذبوني رغم الصار منهم فلا جوز
—————————
حسين الركابي
أربع زلم ربيت…… ومكيف ابهاي
مانفع بيهم طيب خذلوني برباي
—————————
Mahamad Binali
اربع زلم يا وادم كلهم خوانين
تركوني وراحوا مع النساوين
—————————
الشاعرالحسيني سليم كريم لفتةالجابري
أربع زلم ربيت وإشتد عظمهم
بالتالي أجدي إرباع وأنطيهن إلهم
—————————
ابوكاظم الزهيري
أربع زلم ربيت واتفاخر بهاي
اوتليها مثل اعداي تتعامل وياي
—————————
حسين الركابي
أربع زلم ربيت…….ماجازو ارباي
يدروني مافوجيچ ذبوني بالماي
—————————
حسين الركابي
أربع زلم ربيت…… صارو ملاليچ
وبالجدوة وتعيشين ياروحي تاليچ
—————————
الشاعر حسين الساعدي
اربع زلم ربيت بس لكن اشلون؟
خلوني اجدي ارباع ويه اليجدون!
—————————
الشاعر حسين الساعدي
اربع زلم ربيت طلعو ذيابه
عافوني احير ابضيم كلبي وعذابه
—————————
حسين الركابي
أربع زلم ربيت … صارو رجاجيل
عافوني من كبريت والعايل ايعيل
—————————
الشاعر عباس الدلفي
اربع زلم ربيت لاجن الف حيف
ما بيه انوض الحال وتلكه لضيف
—————————
الشاعر عباس الدلفي
اربع زلم ربيت•• كلي شصفالي
حتى التمر طروش تبجي عله حالي
—————————
الشاعر عباس الدلفي
اربع زلم ربيت كلي شينفعون
لمن يضكني العوز ما التكه بعون
—————————
سالم محسن عيسئ
أربع زلم ربيت يالساعدي وقيس
من طحت ياحيف ماعدهم احساس
—————————
صباح العراقي
اربع زلم ربيت كلي شيوافون
من ردت عون وياي محد وفه اوياي
—————————
صباح العراقي
اربع زلم ربيت من زغري الهم
لمن طحت ياحيف كثرو طعنهم
—————————
كريم المياحي
ربي الزلم بالبيت مو بالشوارع
مايتركونك يوم بالضلمه جايع
—————————
جليل الغريب
أربع زلم ربيت وباقي بمحنتي
ماشفت منهم خير حتى بدفنتي
—————————
صباح العراقي
اربع زلم ياناس ماعرفو ابعلتي
جي اني خوش انسان دمرو صحتي
—————————
صباح العراقي
اربع زلم ياخوي والفزعه حلوه
من صارت صدك ياناس شوكله راحت
—————————
الشاعر سلام كامل الغزي
اربع زلم ياااااااا ليت هالخلفه نسوان
ضاع التعب ياحيف وسفه اعله غمان
—————————
جليل الغريب
أربع زلم ربيت والخامس الهم
لاولدي بيهم خير ولاهمي ينعم
—————————
الشاعر سلام كامل الغزي
أربع زلم محسود ياااالعندك اولاد
بس للقهر ضليت ماشفت الاعياد
—————————
ضياء الملكي
أربع زلم ربيت كلهم جفوني
وضيم الحملته سنين بيه لوعوني
—————————
صباح العراقي
اربع زلم بالضيج انشد عليهم
عافوني وي الذيب ياكل ابلحمي
—————————
ضياء الملكي
أربع زلم ربيت تاليها انذب
وفوكاها ماخلصان وبموتي انسب
—————————
صباح العراقي
اربع زلم حطيت امامن اومرتاح
ضميتهم ابوكت العوز ولشيلت الراس
—————————
الشاعر سلام كامل الغزي
أربع زلم بس دين بيه اااااانه وفيت
وي والدي أمن زمان كل هذا سويت.
—————————
ضياء الملكي
أربع زلم ربيت هاي المصيبه
نكروني ها ياحيف شوف العجيبه
—————————
صباح العراقي
اربع زلم ربيت اوبيدي الولي
من صارو زلم ياخوي كلهم نسوني
—————————
الشاعر سلام كامل الغزي
عاااكر يريت تكون امكم يالاولاد
جامضكت نشغات لا شفت العناد
—————————
الشاعر سلام كامل الغزي
أربع ولد هوسات ويهلهل المااااو
من صارو اتهنيت من زاخو للفاو
—————————
الشاعر سلام كامل الغزي
هنوني ماااااااايدرون بيهم عذابي
كل لحظه انه اتمنيت ساكن ترابي
—————————
الشاعر سلام كامل الغزي
بعد الفخر واااااالزود الكشخه والراي
صار الرصيف البيت والصاحب الداي
—————————
الشاعر سلام كامل الغزي
ياتعب يامعروف رااااااحن هذني
باعوني ولدي بساع رافكني وني
—————————
الشاعر سلام كامل الغزي
ها يبن أبوك اشلون ترضالي انهان
وأنه عزيز الكوم واااااالدله نيشان
—————————
الشاعر سلام كامل الغزي
هااااااا شو تدير العين من مرتك تعيل
تشتمني وانته تشوف وتجاوب بحيل.
—————————
صباح العراقي
بعيوني شفت الذيب. شات التعت بيه
وجماله يم شمات تتمردغ عليه
—————————
الشاعر سلام كامل الغزي
تشتمني وانت تشيل ثوبي وعباتي
تشمرهن اااوضحيت لجلك حياتي.
—————————
الشاعر سلام كامل الغزي
كوم اطلع انته تصيح ملينه منك
من حرمتك تنهاااان تخزرها فنك.
—————————
صباح العراقي
خادم وخدر جاي وبليه جفين
التعب فدوه يروح لجلك يالحسين
—————————
صباح العراقي
تنور اهلنه بخيت وتشور النار
يزعل لون يومين ماجانه خطار
—————————
صباح العراقي
لا تنشد اعله الحال مترادي مو زين
الدشداشه من العوز ..گالبهه مرتين
—————————
صباح العراقي
عود انة مثل الناس هم عندي خوان
خواني بالشدات صارولي عدوان
—————————
الشاعر حسين الساعدي
هذا الابو التعبان يبني ابأساسك
وكت الكُبر مفروض تاج اعله راسك!
—————————
الشاعر حسين الساعدي
امك وابوك اعيون وتحب الاثنين
والخاطر النسوان لتضحي بالعين!
—————————
الشاعر حسين الساعدي
ياوسفه عالشبان كلمه ارد أكلهم
هذا الرزق والخير كله امن اهلهم!
—————————
الشاعر حسين الساعدي
ياوسفه عالغمان مدري شجاهم!!
والخاطر النسوان نكروا رباهم !
—————————
الشاعر حسين الساعدي
اربع زلم ربيت يادمعة العين
طردوني بره البيت بامر النساوين!
—————————
الشاعر حسين الساعدي
اربع زلم والناس حسدوني بيهم
طردوني بره البيت و اعتب عليهم!
—————————
تحسين العلكاوي
اربع زلم ربين وعافوني اجدي
دموعي تحجي الحال شاهدي بخدي
—————————
سالم محسن عيسئ
أربع زلم ربيت يالساعدي إنه
بس من طحت ياحيف محد لفانه
—————————
الشاعر حسين الساعدي
اربع زلم ربيت كلهم سويه!
بعد المرض والعوز صارو عليه!
—————————
تحسين العلكاوي
اربع زلم ربيت ياوسفه عندي
وكبال هاي الناس خلوني اجدي
—————————
الشاعر حسين الساعدي
اربع زلم ربيت كلهم سويه!
بعد المرض والعوز صارو عليه!
—————————
تحسين العلكاوي
اربع زلم ربيت ياوسفه عندي
وكبال هاي الناس خلوني اجدي
—————————
الشاعر حسين الساعدي
اربع زلم ياحيف كلهم صكيطه!!
وبرسمت النسوان هاي الخريطه!
—————————
الشاعر حسين الساعدي
اربع زلم عافوك غمه اعله هالراي
عندي جلب جوعان والهسه وياي!
—————————
تحسين العلكاوي
اربع زلم ياناس ماوكفو اوياي
وسفه والف ياحيف رباهم فياي
—————————
حسين الركابي
أربع زلم ربيت ….ومكيف اني
تاليهه شو عدوان همه وزماني
—————————
حسين الركابي
أربع زلم ربيت ….والفي عباتي
تاليهه شو شمات همه وشماتي
—————————
حسين الركابي
اربع زلم ربيت…….. والوادم اصيح
خيعونه عنده ازلام مايهوه ويطيح
—————————
حسين الركابي
أربع زلم ربيت صاحولي ابو فلان
عگب التعب ورباي خلوني زعلان
—————————
الشاعر حسين الساعدي
اربع زلم ربيت وتكلي جوعان!!
المن تريد الروح موتها يفلان!
—————————
الشاعر حسين الساعدي
اربع زلم ياحيف مال البخت مال
شيبه وصرت مطرود ومعذب الحال
—————————
حسين الركابي
أربع زلم ربيت.. .. ومكيف ارجال
تاليهه مافزعوش يوم الحمل مال
—————————
حسين الركابي
أربع زلم ربيت…..كل ظني ربحان
طلعو صدگ غمان تاليهه خسران
—————————
حسين الركابي
أربع زلم ربيت … ومكيف اهواي
گلت الحمل لومال يوفولي برباي
—————————
الشاعر حسين الساعدي
اربع زلم ذبوك ماضلوا اوياك
لو خلفتك نسوان جا جازن ارباك!
—————————
الشاعر حسين الساعدي
اربع زلم ربيت بس ياخساره
طلعوا ولا يسوون كطف الجكاره!
—————————
الشاعر حسين الساعدي
اربع زلم ربيت بس لكن اشلون
قبلوا اجدي ارباع ويه اليجدون!
—————————
الشاعر حسين الساعدي
اربع زلم ربيت باعوني بالسوك
وبلا سعر والناس ظنوني مبيوك!
—————————
تحسين العلكاوي
اربع زلم الناس كالولي عندك
شسويت بدنياك ونعفت وحدك
—————————
حسين الركابي
أربع زلم ربيت وتفاخر اشگد
تالیهه ألم ارباع …محد تنشد
—————————
حسين الركابي
أربع زلم ربيت …….يادنيه غلطان
خلوني اجدي ارباع موخلفه غمان
—————————
حسين الركابي
أربع زلم ربيت ….كل ظني يسون
من مر عليه العوز گامو یضحكون
—————————
الشاعر حسين الساعدي
اربع زلم ربيت تدري العشيره
ذبوني والعازات كلش حقيره!
—————————
ابو سجاد محمد
اربع زلم ربيت كلهم شياطين
داعش صفو ياحيف ضد شيعة حسين
—————————

—————————

—————————

—————————

بواسطة : جليل الغريب

شاهد جميع مقالات

مقالات ذات صلة

فديو اليوم

ادعية مختارة

اتصل بنا

يتصفحون الموقع

Flag Counter

التقويم

ديسمبر 2017
ن ث ع خ ج س د
« يوليو    
 123
45678910
11121314151617
18192021222324
25262728293031
hacklink wordpress free themes meme büyültme hacklink satış e sigara hacklink al

sirinevler escort ankara escort wordpress seo eklentisi istanbul escort istanbul escort kızlar antalya escort wordpres escort teması eskişehir escort hacklink satış www.joyetech-tr.org www.elektronik-sigaran.com joyetech www.Es-cort.club