جديد الموقع : مسابقة تكلمة الدارمي بقيادة الشاعر حسين الساعدي ::أتلاوه ويه الضيم  «»   الشاعر محمود المدرس تصدح حنجرته بحب صاحب الذكرى الامام ابي محمد الحسن  «»   الشاعر محمود مري  «»   مساجلة الغربيل بقيادة الشاعر علي الركابي  «»   مساجلة ولادة الاقمار الاطهار عليهم السلام ::الشاعر حسين الساعدي  «»   الليله ميلاد الحُسين الليله–صلاوات الشاعر حسين الساعدي  «»  

الشاعر-حسين-الساعديتعالوا نتساجل
والدعوه عامه بالجديد االمباشر فقط
حسين الساعدي
—————————-
الشاعر حسين الساعدي
ولجيبه مامتروس جًنه ابجزيره
ومن عنده يتبرون حته العشيره
—————————-
سنان التميمي
كلفه صبحت دنياي مابيهه غيره
وتفتر عكس ياصاح ويه الفقيرة
—————————-
الشاعر حسين الساعدي
هالدنيا بلمكلوب تفتر علينه
لمينه طاري العوز بثنين ادينه
—————————-
جليل الغريب
والجيبه ما متروس محد يريده!!
والجيه للمعاتز صارت بعيده
—————————-
يوسف الشامخ
حسبالك وراثه عيوني جوزيات
فص العين زنجر من غبت عني
—————————-
Najm Alanbari
مشتاكة روحي اعليك كڈ مدري اشگڈ
لو عمري عد عمرين صدك ماينعد
—————————-
الشاعر حسام السلطاني السلطاني
الجيبه ما متروس محد يهم بيه
حتى الربوا وياه تتكبر اعليه
—————————-
الشاعر حسين الساعدي
ليش الفقير اليوم ماعنده خوان؟
والخوه للدولار تاليها يفلان
—————————-
الشاعر حسام السلطاني السلطاني
صار الاخو الدولار والأمر بيده
والصاحب المعتاز لا ما يريده
—————————-
الشاعر حسين الساعدي
شوف اشكثر دنياي لعبت عليه
للما يجازي الطيب مديت اديه!
—————————-
صادق الموسوي
انگس واخس وبهاي واستاهل ادها
جي بعت خوه وياك موش انت گدها
—————————-
سنان التميمي
للمايجازي الطيب خلتني امد ايد
دنيايه هيج وياي صارت عرابيد
—————————-
جليل الغريب
ليش الفقير اليوم ماعنده صاحب
من عنده يتبرون كل الاقارب
—————————-
الشاعر حسين الساعدي
متندم انه اهواي لمن اجيتك
واليوم اكص الايد جي صافحيتك
—————————-
صادق الموسوي
بالك تخاوي هواي خاوي النشامه
حته اليغدرك كون يسوه الندامه
—————————-
الشاعر السيد احمد النداوي
مو كل عشيره اتبيع للجيبه خالي
اهل المصالح دوم ما الهه تالي
—————————-
Ahmed Kassm
صاحت علي دنياي وينك يمكرود
شنو هلهموم البيك ماتنقص تزود
احــــــــــــــــــــمـــــــــــــــد
—————————-
الشاعر حسين الساعدي
يادنيا وكت العوز وينه المحنه؟
سدوا علي بيبان ذولاك اهلنه!
—————————-
الشاعر حسام السلطاني السلطاني
ماظل بعد خوان ولا ذوله اهلنه
غابة الحياة اليوم انسه المحنه
—————————-
الشاعر السيد احمد النداوي
لا عمي اهلنه اسباع ماسدو الباب
من ضايقاني العوز صارو الي احجاب
—————————-
الشاعر حسين الساعدي
يامكثر الصحبان بفلوسي اني
لكن ابوكت العوز محد لفاني؟
—————————-
الشاعر السيد احمد النداوي
لا خويه بيهه اهواي لتضن خليه
الدنيه. غابه اتصير للخبط ميه
—————————-
جليل الغريب
احفر كبر يفلان لا تبقه حاير
والعيشه للمعتاز تكسر خواطر
االغريب
—————————-
الشاعر حسين الساعدي
من عنده يتبروون لتظن عجيبه
وتغربل الخوان وبكل مصيبه
—————————-
اسراء الشمري
من عندة يتبرون صارت قديمة
صار الفقر والعوز مثل الجريمة
—————————-
الشاعر السيد احمد النداوي
موجوده ثق اهواي ياخويه يحسين
الخوه وكت الضيج تسحگ عٌلَى أّلَبِيِّنِ
—————————-
اسراء الشمري
المايصدك بيك ماشيف العوز
عاش علة برد شباط ماجاسه تموز
—————————-
الشاعر حسين الساعدي
وبسرعه يتبروون لتظن عجيبه
وتغربل الخوان وكت المصيبه
—————————-
الشاعر السيد احمد النداوي
صاير جريمه العوز للوصخه ذاته
حيدر گضّأّهِهِ شعير ياكل حياته
—————————-
الشاعر حسام السلطاني السلطاني
ماظل بعد خوان شتغربل انت
ابروح أبو السجاد خليها سكته
—————————-
Ahmed Kassm
من عندي يتبرون ماضلت اخوان
وفترت علي دنياي وكثرتلي عدوان
—————————-
أحمد السعيدي
الملگه والترحيب لصحاب الفلوس
وسفه الوكت ميّال للجيبه متروس
أبو طيبه
—————————-
الشاعر السيد احمد النداوي
لو صدك ماكو اخوان مافزعو احشود
ضحو بدمهم ذاك للماله. رادود
—————————-
سنان التميمي
عريني بالعاكول وكتي وسحلني
وحط بيه كوم جروح بس ماكتلني
—————————-
Ahmed Kassm
فزعو صدك خوان بس للناشدونه
مو مثل ذيج الناس الباعت وطنه
—————————-
الشاعر حسين الساعدي
يا احمد الوكفات مو بالسوالف
شحجيلك المأسات بعيوني شايف
—————————-
الشاعر حسين الساعدي
لو تلزم الغربيل باول دقيقه
محد يضل وياك هاي الحقيقه!
—————————-
الشاعر السيد احمد النداوي
صدكتك انه بهاي اني هم شايف
بس ماخلت فد نوب وكت الكلايف
—————————-
الشاعر حسين الساعدي
والخوه كون اتريد معنه ومواقف
والخوه يا هالناس مو بالسوالف
—————————-
الشاعر حسين الساعدي
ليش اليطيح ابضيج محد يريده
والفزعه بين الناس صارت بعيده
—————————-
سنان التميمي
ذبني بوسط غربيل كل فتحه مترين
مجلب وماطيح والهزو الفين
—————————-
الشاعر السيد احمد النداوي
جِأّئزِّ يِّكوِنِ أّلَصٌوِجِ مَوِ بِأّلَصٌعٌدِ فِّوِگ
غٌربِيِّلَك مَنِ أّلَجِأّزِّ يِّأّخَوِيِّهِ مَشٍگوِگ
—————————-
اسراء الشمري
حيدر يخوية شكال تتذكر انتة
الفكر لورجال ثق جا كتلتة
—————————-
صادق الموسوي
الفزعه بين الناس صارت شحيحه
لان ماكو بعد ياناس خوه صحيحه
—————————-
Ahmed Kassm
انشد وكول اخوان رايدكم اسناد
ولحمزه والعباس تلكه التفك زاد
—————————-
الشاعر حسين الساعدي
غربيلي ما مشكوك توني اشتريته
كال الذنب بالطاح من عاتبيته
—————————-
الشاعر السيد احمد النداوي
صح گال اكتله ابهاي وأّلَگلتي بي صار
بس الحسين اشگال مو عيشو احرار
—————————-
الشاعر حسين الساعدي
دورت كل الناس مابيها عباس
محتاج اريد اليوم للينبض احساس
—————————-
أحمد السعيدي
وافي اليكلفك دوم لاتبقه حيران
الوگفه كون أفعال مو بس حجي إلسان
أبو طيبه
—————————-
الشاعر السيد احمد النداوي
گال الذنب بالطاح . هم ارد اجي اوياك
بس لازم تقيس الناس . كلهه بهل ادراك
—————————-
Ahmed Kassm
دور علينه زين ياخويه ياحسين
تلكانه بلشدات ننقسم نصين
—————————-
جليل الغريب
ماتلكه والعباس صارت كطيعه
والخوه هسه اهناك فوك الشريعه!!
االغريب
—————————-
الشاعر حسين الساعدي
شو غربلت مليوم واحد بقالي
جَلب ابذاك السيم هو الصفالي؟
—————————-
اسراء الشمري
عشنة علة خبزة عوز والغرفة من طين
ومانملك بدنياك بس عشك الحسين
—————————-
سنان التميمي
ماشفت بين الناس واحد يوافي
صحبتنه ماتراد كلهه تجافي
—————————-
الشاعر السيد احمد النداوي
احسنتي عشتي بعوز بس عدج احساس
شفتي. الفقر مهيوب لليوزن الناس
—————————-
الشاعر حسين الساعدي
يادنيا والجيات صارت مصالح
ماشفنه هاي الناس بس بالفواتح؟
—————————-
الشاعر حسين الساعدي
والجيبه ما متروس عنوانه ضايع
وبجيته ما مرخوص بس بلجوامع
—————————-
الشاعر السيد احمد النداوي
جلب بطرف السم جلب بالخيوط
المهم ضل ماطاح من منخله ايروط
—————————-
اسراء الشمري
الحمد لله بخير عشنة ونظل دوم
نكشخ شرف وأخلاق مومظهرهدوم
—————————-
جليل الغريب
شحجيلك المأسات شمخليه بيه
حتى الرضع وياي كالب عليه
االغريب
—————————-
أحمد السعيدي
غربلت والغربيل سبّب انيني..
غربيلي لو مشگوگ لو هوه صيني
أبو طيبه
—————————-
الشاعر السيد احمد النداوي
هذا الاسولف بيه يابت الاجواد
اليدعي مو بالمال من يطلب امراد
—————————-
Ahmed Kassm
اهل العراق بخير مو بس حجي لسان
بلطيبه والاخلاق مختومة عنوان
—————————-
Najm Alanbari
صاحب فضل ع الناس يادنيه اني
هيجي ابويه الزين بالطيبه رباني
—————————-
الشاعر حسين الساعدي
مافرزنتهم زين ما فرزنتهم؟
غربيلي فارغ صار من غربلتهم
—————————-
Alaa Abuwttn
من عنده يتبرون اي لا محاله
وعالفقره الله يكول كلهم عياله
—————————-
الشاعر حسام السلطاني السلطاني
خربانه لتعبون خربانه فد نوب
الموجوده خوة اوجوه مو خوة كلوب
—————————-
اسراء الشمري
زرنة بكلب معصور وبطكت العوز
ابعفه وطلبنة مراد بالمحشرنفوز
—————————-
أحمد السعيدي
غربيلي عد حداد من سگّميته
هاي العجيبه. شلون، فارغ لگيته
أبو طيبه
—————————-
الشاعر السيد احمد النداوي
خويه اشجرالك ليش ومئيس اشبيك
الدنيا بيهه الزين ياصاح افه عليك
—————————-
اسراء الشمري
غربلت ناس هواي من ارقى الكلوب
ماظلي بالغربيل بس هذا الكروب
—————————-
أحمد السعيدي
البشر كون ايعيش بالعزه حاله
بالذلّه مايرضاش رب الجلاله
أبو طيبه
—————————-
الشاعر السيد احمد النداوي
لو رايده على الناس رفعه اوتفوزين
كلبج علگ شدي ابشباج الحسين
—————————-
اسراء الشمري
العزة والعباس بس الكم تلوك
مانتشرة وتنباع ولاتلتكة بسوك
—————————-
الشاعر حسام السلطاني السلطاني
ظل بيها آنه وياك بس نسبة شكد
واكف الكل معتاز وما مرني أحد
—————————-
الشاعر السيد احمد النداوي
خويه الحديد ايلين من كورة النار
مغربل جمر لو ناس متكلي الصار
—————————-
أحمد السعيدي
ساعدي ولم عوادن لگروبه لمنه
عش .وتربت بيه طيبه ومحنّه
أبو طيبه
—————————-
الشاعر حسين الساعدي
والغيره لو تنباع حته اشتريها
ياوسفه بعض الناس ضاعت عليها!
—————————-
الشاعر السيد احمد النداوي
السلطاني اعرفك زين ماتنحني ابيوم
جن ورد شايل ذاك شكبان الاهموم
—————————-
الشاعر حسين الساعدي
كل النعم والزود من اليكتبون
وبهل كتابه اليوم فرحتوا العيون
—————————-
الشاعر السيد احمد النداوي
المفخره من ازمان من عدج اتغار
منج والج هالطيب صدكيني يندار
—————————-
أحمد السعيدي
ماحرّكت غربيل وانته احكم بهاي
غربيلي مرو بيه جن مرّة الماي
أبو طيبه
—————————-
الشاعر حسين الساعدي
ليش الاهانه اليوم صارت بسيطه؟
والجيبه ما متروس كالوا صكيطه؟
—————————-
الشاعر حسام السلطاني السلطاني
ما انحني ولاحيد وابن الزجيه
بس الغدر لساع آثاره بيه
—————————-
الشاعر السيد احمد النداوي
الفرحه بيك اتصير يالساعدي اتصير
حكمه اومعاني اشيوخ للماله تفسير
—————————-
شعلان الكريطي
ولجيبه ما متروس ماعنده صحبان
كلهم دغش وياه وبس حجي لسان
—————————-
الشاعر السيد احمد النداوي
هزتك جانت حيل وتوكع اجبال
اوكلش وسيعه اثقوب غربيلك الجال
—————————-
حسين الركابي
طعنات الك يهواي اذني كلش
خلن جرح بالروح والحزن بلش
—————————-
الشاعر السيد احمد النداوي
الينكتل مغدور صدكني زلمه
خانه بعرض مكفا ماكرب يمه
—————————-
اسراء الشمري
الصايم يضل هنا بالبخت كاعد
صار الفكور اليوم يم السواعد
—————————-
أحمد السعيدي
من عملت الغربيل ضل گلبي محروگ
طلعو گبل ياناس حسبالي مشگوگ
أبو طيبه
—————————-
أحمد السعيدي
غربيلي ماهزّيت ماحرّكيته
بوكت النفاهه شلون فارغ لگيته
أبو طيبه
—————————-
حسين الركابي
دنيانه وكحه اوياي راوتني الضيم
عوز وقهر وهموم ومشبك ابسيم
أأأأأألركابي
—————————-
امجد الخرساني
افركهه وارشگ ماي عيني بشته جفاك
خافن هلي ايحسون تبجي على فركاك
—————————-
امجد الخرساني
اتنطر علا الباب مثل ام ولد هد
جلجل عليها الليل وبنيها مارد
—————————-
حسين الركابي
عمر اليحب ياناس ماياذي ويخون
معود علة الطيبات وي دمع العيون
أأأأأألركابي
—————————-
امجد الخرساني
انخالك ايد اتنوش لاتنخه عضبه
حاشاهه مو تقصير مدتهه صعبه
—————————-
حسين الركابي
الذهب والمالات موهنه كل شي
كون البخت وياه حجاياته تمشي
أأأأألركابي
—————————-
حسين الركابي
يالمعتلي العفيات ربك رحم بيك
هيبه وصدرديوان والطيب غاطيك
أأأأأأألركابي
—————————-
امجد الخرساني
دوهني وكت العوز كلش ضهدني
ثوب الركعته العام فصلته لبني
—————————-
امجد الخرساني
كلش ثجيله اتصير التجفي دنياه
حتى الصديج ايگول عيب امشي وياه
—————————-
حسين الركابي
يالتنشر الشينات من ربك الويل
لابديجيك الموت ويغركك السيل
أأأأأألركابي
—————————-
أحمد السعيدي
كون البخت والمال صاحن فرد صوت
جا كل فقر ماعاش مات وشبع موت
أبو طيبه
—————————-
حسين الركابي
ثوبك يطيب الروح لبنك چسيته
ثوبي ركد ياحيف تعبت قضيته
أأأأألركابي
—————————-
أحمد السعيدي
هذا الوكت ميّال لاترتچي عليه
جم صلب أمّن بيه. تالي إنهدم بيه
أبو طيبه
—————————-
امجد الخرساني
عندك جفن للبيع خاله انته ابو لخام
عدله ارد اطمها لروح من جور لايام
—————————-
أحمد السعيدي
المَثل گال تنول، كون الصبر فاز
ياروحي تصبرين لو ارشچ بگاز
أبو طيبه
—————————-
حسين الركابي
عوف الجفن والموت بيدالله كلهن
و بس كثــر الزينــات ينفع عملهن
أأأأأأألركابي
—————————-
حسين الركابي
تحركهه خويه ابكاز روحك حريمه
تصبح شخص مديون فاعل جريمه
أأأأأأألركابي
—————————-
حسين الركابي
روحك تعبهه الضيم رايد سترهه
استره بالطيبات بس ارضي ربهه
أأأأأألركابي
—————————-
أحمد السعيدي
لا ولد .ينفع غاد. لاينفع المال
لا. مايفيدك غير زينات الاعمال
أبو طيبه
—————————-
حسين الركابي
بالك تلـــف الخــيط عالمـحبس ابيوم
محبسك خاف ايضوج حسباله معدوم
أأأأأأألركابي
—————————-
أحمد السعيدي
كل نفس لبست تاج من گد صبرهه
بعفّه وتخلّص يوم مچّدر يمرهه
أبو طيبه
—————————-
احمدابوحسين اللامي
حسين الكلب تنور مشتعله ناره
من تسمع بطاريك تزف الي بشاره
اللامي
—————————-
حسين الركابي
والنعم مـنك تاج بالعزة ياحيد
كلك وفه وزينات يبن الاجاويد
أأأأأأأألركابي
—————————-
أحمد السعيدي
وسفه عله طيب الذات تلتف يد العوز
دنيتك للدردان جابت حضن جوز
أبو طيبه
—————————-
حسين الركابي
ابشاره وفرح ممنون منـك احبيب
دومك اخوي اتعيش احمد الطيب
أأأأأأأألركابي
—————————-
أحمد السعيدي
تاج الوفه وادريك للخوه عنوان
غير الاخو بهالكون شيفيد الانسان
أبو طيبه
—————————-
حسين الركابي
يامن شربت السم من العرابيد
اني الدهر وياي ماادري شيريد
أأأألركابي
—————————-
حسين الركابي
شنهو الدهر شيريد تعبني كلش
دومه عداوه اوياي وفراحي فلش
أأأأأأأألركابي
—————————-
ياسر العجيلي
دنيانه صارت جمر وشعلت كلوب هواي
ناطر ألمنتظر بدموع وعفت كل دنياي
—————————-
احمدابوحسين اللامي
الدهرصاير سيف مصلط علينه
ويه الشمات ايميل ويجرح بينه
اللامي
—————————-
حسين الركابي
صح اليذوب ابساع معناهه مايع
بس الكلب لوذاب المحبوبـه طايع
أأأأأألركابي
—————————-
احمدابوحسين اللامي
الحزن صار الثوب يتفصل علينه
ويه الوكت ميال يشمت بينه
اللامي
—————————-
ياسر العجيلي
طبع ألبعض غدر وطبع ألمحب وفاي
علمني حسين درس أبدمي أفدي ألوياي
—————————-
الشاعر السيد احمد النداوي
الهم سرجلي سروج من حمليته
جن وجداله امجان بضلوعي بيته
—————————-
الشاعر السيد احمد النداوي
لا خويه بيك الصوج جي طاوعيته
اليتبع. اثر دنياه مايضل بيته
—————————-
حسين الركابي
عايش حزن كتال تعبلي الاحوال
فاركني خلي وراح شلالي البال
ااالركابي
—————————-
حسين الركابي
شلت الحزن بكوار تعبلي حالي
ضيم وقهر تعبان عشت الليالي
أأأأأأأألركابي
—————————-
الشاعر السيد احمد النداوي
اليلمح نجم وبليل ماينغلب دوم
يالصكر اقنع بيش وايتعبك الحوم
—————————-
الشاعر احمد الكناني
ربك رزقني شلون حكم الله اديره
عندي الله يسوه الكون وكل العشيره
—————————-
ياسر العجيلي
آني إلي أتغربت من صحت يا حسين
وباقي بهذا ألنهج رحال وماهمني ألوين
—————————-
احمدابوحسين اللامي
شلي بحزن والروح خلصنه منه
راح اليريح البال شي رجعه النه
اللامي
—————————-
الشاعر احمد الكناني
انه وجميع الناس ونتم واهلكم
نكره الدور مال ارد انه اكلكم
—————————-
الشاعر احمد الكناني
ما امده جفي بيوم لو انطي لجفوف
واتصارع ويه العوز ومصارع طفوف
—————————-
ياسر العجيلي
أني معاكسني دهر وحظي عكسي مشاي
أسهر ليلي للصبح وألنجمات تنوح وياي
—————————-
الشاعر احمد الكناني
عن يا دهر معكوس حالي ارده بهواي
امشي بخطوتي بليس يمشي ويه ممشاي
—————————-
ياسر العجيلي
يا ألكاصدك مو مليت ألتعب وألإصفار
لا ني ميت وأرتاح وشمسي غفت بعز نهار
—————————-
احمدابوحسين اللامي
طول الحزن والظيم تعرفه الايام
وانته حارت بحزنك دوم حتى الصنام
اللامي
—————————-
الشاعر احمد الكناني
من خيراك بهاي عمرك يريده
غير الله لو يدناش ربك يصيده
—————————-
ياسر العجيلي
هم ترجع يوم وأرجع بالموصل أنام
لو صارت حلم وطيف وأوهام
—————————-
ياسر العجيلي
أتأخرت يا أحباب راح أكلكم مع ألسلامه
تحيا تي ألكم وحصلتو من كلبي أفضل علامه
—————————-
الشاعر احمد الكناني
غير الله يبن الناس ما يحكم وياك
وحتينه ملك الموت يتحاسب هناك
—————————-
سجاد الشاعري
والجيبه ما متروس ما عنده اخوه
وبهلزمن يا حيف صاير ميسوه
—————————-
سجاد الشاعري
الجيبه ما متروس متريده ناسه
من عنده يتبرون يمحون اساسه
—————————-
سجاد الشاعري
الجيبه ما متروس طاح ابمصيبه
هوس وي النكروه صبح حبيبه
—————————-
سجاد الشاعري
الجيبه ما مترس نكروه الاصحاب
الكل لا هله يصيحون لو يدك بالباب
—————————-
سجاد الشاعري
الجيبه ما متروس بس الله راده
بالجنه اله يصيحون تحله القياده
—————————-
سجاد الشاعري
الجيبه ما متروس عافوه اخوته
كل البشر والناس تتمنه موته
—————————-
سجاد الشاعري
الجيبه ما متروس ما عنده صحبان
والخوه بالدينار صارت يعربان
—————————-
الشاعر حسين الساعدي
ومعزب الخوان صبح و مسيه
وبطيحتي ولليوم شحوا عليه
—————————-
الشاعر حسين الساعدي
محد يريد الطاح وسفه وهضيمه
ماينفكد بالناس يوم العزيمه!
—————————-
الشاعر حسين الساعدي
ماتطعن الصحبان شوف الذيابه
والبشر بين الناس زايد عذابه
—————————-
الشاعر حسين الساعدي
عايش عله التقطير ماجني عايش
كلش كرهت الروح وين الدواعش
—————————-
الشاعر حسين الساعدي
ياكطعة بالخوان صعبه القضيه
وتفرقوا يا حيف جانوا سويه!
—————————-
الشاعر حسين الساعدي
والجيبه ما متروس ياهو ايتلكاه!
غير القهر والنو ح ماتلكه وياه
—————————-
الشاعر حسين الساعدي
وبكثر ما معتاز والعازه عازه
يجرح كلام الناس مثل الكزازه!
—————————-
يحيى الاسدي
الجيبه مامتروس محد يريده
ودنيانه ياهالناس صعبه وعنيده
—————————-
يحيى الاسدي
الجيبه مامتروس ومعسر الحال
محد يقبله اليوم لاعم ولاخال
—————————-
ياسر العجيلي
دوله وعلم أنت وكلبك وسيع ومناره
يا ألساعدي أشون أوصفك وأكمل وصفك أبعباره
—————————-
الشاعر حسين الساعدي
والجيبه ما متروس عاش ابظلامه
منعده يتبرون اهله وعمامه
—————————-
ياسر العجيلي
ألجيبه ما متروس عايش أبسعاده
ينام مرتاح بعيد من ألعين الحساده
—————————-
الشاعر احمد الكناني
خل يمشي للخياط جيبه ويشيله
ومن رحمة الله اليوم يترس شليله
—————————-
احمد فايز
شنهي الدهر وتلوج منه وتهم بيه
ﻻواني ست مرات بل يسره اﻻويه
—————————-
أحمد السعيدي
عمي الدهر ممذور ماتگدر عليه
وبموجه جم ملّاح غط وغرگ بيه
أبو طيبه

—————————-

أحمد السعيدي
لاتستهين آلام هذا الدهر يوم
إبنص ضهاري الصيف راواني نجوم

أبو طيبه
—————————-
امجد الخرساني
غوشت وحده اعليك وحدة انطفت دوم
ماوجد اليمشون اشتم بالهدوم
منقول
—————————-

بواسطة : جليل الغريب

شاهد جميع مقالات

مقالات ذات صلة

فديو اليوم

ادعية مختارة

اتصل بنا

يتصفحون الموقع

Flag Counter

التقويم

ديسمبر 2017
ن ث ع خ ج س د
« يوليو    
 123
45678910
11121314151617
18192021222324
25262728293031
hacklink wordpress free themes meme büyültme hacklink satış e sigara hacklink al

sirinevler escort ankara escort wordpress seo eklentisi istanbul escort istanbul escort kızlar antalya escort wordpres escort teması eskişehir escort hacklink satış www.joyetech-tr.org www.elektronik-sigaran.com joyetech www.Es-cort.club