جديد الموقع : مسابقة تكلمة الدارمي بقيادة الشاعر حسين الساعدي ::أتلاوه ويه الضيم  «»   الشاعر محمود المدرس تصدح حنجرته بحب صاحب الذكرى الامام ابي محمد الحسن  «»   الشاعر محمود مري  «»   مساجلة الغربيل بقيادة الشاعر علي الركابي  «»   مساجلة ولادة الاقمار الاطهار عليهم السلام ::الشاعر حسين الساعدي  «»   الليله ميلاد الحُسين الليله–صلاوات الشاعر حسين الساعدي  «»  

الديواني6

الشاعر الديواني المسابقة الثانيه بعنوان
\\\\\ كلفه \\\\
——————————-
مساء الخير اليوم موضوعنه
\\\\\ كلفه \\\\
ولكم الشكر والتقدير
واليوم تختلف الجائزه قيمتها ثمينه جدااا
ارجو من جميع الاعضاء تركيز البيت الاجمل في المسابقه
——————————-
كلفه او تريد اشوف ياهو اليمسها
طلقه ابصدر حجاي هاي اليحسها
الديواني
——————————-
ثامر الغراني
طلقة بصدر حجاي مستغرب الهاي
الجنت الضنه اخوي يكطعلي بجلاي
——————————-
الشاعر ابوعباس الركابي
كلفه تركت نيشان اتقصداها
ابمحظر الديوان لمن حجاها
——————————-
الشاعر حسين الساعدي
كلفه وتكول اتهون ما هانت اوياي
جلبن بيه اهموم صارلهن اهواي
——————————-
الشاعر ياسرالركابي
كلفه او تريد اشوف واحد لزمها
ينكت اتراب الكاع لو فل حزمها
——————————-
الشاعر ابوعباس الركابي
كلفه وتكول تهون محد نفعها
اتعنت الحجاي تشجي وضعها
——————————-
ثامر الغراني
كلفه ولفن كلفات ياهو اليصدهن
وسلمت لله الراي و هو اليردهن
——————————-
الشاعر حسين الساعدي
كلفه وتكول اتهون ما هانت اشلون؟
صعبه الدموع اتطيح يم اليكرهون
——————————-
الشاعر محمد الموسوي
يحسين الساعدي انته ابو الدارميات
واذا ماتكتب شعر تفرح الشمات
——————————-

Hussein Aliraqe
كلفه على اخوي الحوك من جاني جيه
حَسبتـه عـون ويـاي شــو هــد عليــه
——————————-
ثامر الغراني
كلفه تريد اتشوف ياهو اليمسها
وصت ابو القناص ليلة عرسها
——————————-
حسوني الشمري
خفت عقل وياي رحت انشد التيل
مامر عليك هواي يلضاوي بليل
——————————-
شعلان الكريطي
كلفه وكلب مصيوب وجرؤحي ترفه
والجرح من محبوب ياهو اليلفه
——————————-
الشاعر محمد الموسوي
كلفه ورجيت الله عني يحلهه
وحيدر علي الكرار يمحي الفعلهه
——————————-
الشاعر ياسرالركابي
كلفه وسهرت اهواي اطحن بليام
موبيدي هاي الروح ماتقبل اتنام
——————————-
Hussein Aliraqe
كلفه وكلت ياعيب ماترهم وياي
جايب عثك طعنات يالتنحسب جاي
——————————-
حسوني الشمري
كلفه وتريد تروح ماتندل الباب
لاخلت اثر صحبان لاخلت احباب
——————————-
ابو احمد العراقي العراقي
كلفه وكلف كلفات ما كلفنه
والكاعه ظل ناطور واليدنه فنه
——————————-
الشاعر ابوعباس الركابي
كلفه وتكول اتهون تشدد انوب
كلما اسدن باب تنفك علي بوب
——————————-
مريم حسين
كلفه واتاني الطيف بس ما اجاني
حيف والف ياحيف يمكن نساني
——————————-
الشاعر ياسرالركابي
كلفه او اجيك ابساع لو ترضه بيه
ماناسي والينساك يحمل اذيــــــــه
——————————-
زاهر المعموري
لتكلّف المهموم هوه ابكلافه
فوگ القهر دنياه تمطر صلافه
——————————-
الشاعر حسين الساعدي
كلفه وطحت مكسور بين الشماته
والمثلي من ايفوت كون ابرهاته
——————————-
الشاعر ياسرالركابي
كلفه او تكول اتهون ياخويه بالراي
حشمت كل الناس مافزعو اوياي
——————————-
زاهر المعموري
كلفة العزيز ايروح ماودعانه
عشرة عُمر وياه راح اوجفانه
——————————-
الشاعر ياسرالركابي
كلفة حرب بالطيف يتعاند اوياي
كل همك الخطار وعيوني الك ماي
——————————-
الشاعر ابوعباس الركابي
كلفه وتكول تهون هم باثر هم
شرجي ورعيد وخوف جنه تلملم
——————————-
احمد مازن البيضاني
كلفه التريد الموت واليسكت اكلف
جف اليداعي بدين ماينحسب جف
——————————-
مريم حسين
كلفه واكولن راح حسبالي وفاي
عاينته يوم العوز ماشفته وياي
——————————-
احمد مازن البيضاني
كلفه اليعوفج عيب ذمه بركبته
باجر الصار وياج يتسوه بخته
——————————-
جليل الغريب
كلفه ودموع العين كلش ثجيله
خافن يجيني الليل مابيه حيله
——————————-
الشاعر ياسرالركابي
كلفة يتامه اصيح بهل الرحم وين
طكاني حيل العوز خلاني نصين
——————————-
الشاعر محمد هاشم الحسناوي
كلفه من امر عالدار ولكاهه ظلمه
وبجي بدمع همال عل فاكد امه
——————————-
زاهر المعموري
كلفة التأمن بيه ينكر عشرتك
ليلك ابد متنام تبقى ابحسرتك
——————————-
الشاعر حسين الساعدي
كلفه وكلت بالريش وبصف العظام
لكنها ضربة موت وبهاي الايام
——————————-
الشاعر ابوعباس الركابي
كلفه وتكول تهون تخلص بسيطه
فره الزمن ياحيف لبن الصكيطه
——————————-

الشاعر ياسرالركابي
كلفة وكضتها الناس ويه اقرب انسان
ومسح اثر بالكاع ماخلي نيشــــــــان

——————————-
ابو احمد العراقي العراقي
كلفه وحسافه اتشوف شماتي دمعي
وآنه الاظمهن دوم حتى اعله ربعي
——————————-
زاهر المعموري
كلفة الصديق وياك لمن يغدرك
زاد وملح وياه وآمنته سرك
——————————-
مريم حسين
كلفه واكول اتهون هاي المصيبه
والغايب امن العين وشلون اجيبه
——————————-
ابو احمد العراقي العراقي
كلفه وتدور وياي ياخلي خله
وبظهري الك نيشان وبكلبي عله
——————————-
احمد مازن البيضاني
كلفه اليخون الزاد ويماشي رايه
باجر بحلك الناس يصبح حجايه
——————————-
الشاعر ياسرالركابي
كلفة وحملها اهواي لو حملينه
ثق وعتقد بالله محد يجينــــــــه
——————————-
احمد مازن البيضاني
كلفه التشوفه العين وبكلبي غايب
يعشك عليه اثنين شوفو المصايب
——————————-
زاهر المعموري
كلفة المصايب هاي لو صارت هواي
وين الصداقة اليوم وين الوفي وياي
——————————-
Waleed Radhi
كلفة او تزت بالظيم حالتها وياي
حال ام ولد غرگان تتوسل الماي
——————————-
الشاعر ياسرالركابي
كلفه اليعاشر ناس ماصارو احزام
يتفرج او ماكال لو يوصل اعدام
——————————-
زاهر المعموري
كلفة التعول عليه مايحس بالصار
وين انطي وجهي وين مو شبت النار
——————————-
احمد مازن البيضاني
كلفه اليعاشر ناس تفتقر للطيب
من الجدم للراس تارسهم العيب
——————————-
الشاعر ياسرالركابي
كلفه او يعيش ابخير بس هوه محتاز
يداين امن الجار لو يمشي جناز
——————————-
الشاعر حسين الساعدي
كلفه اليمر بالدار هاي المسيه
ويلكاها بالطيبيين وحشه خليه
——————————-
الشاعر محمد هاشم الحسناوي
كلفه على راعي الجود وتحسفاهه
جربه وتخر الماي ماوصلاهه
——————————-
زاهر المعموري
كلفة الدهر ياناس ماينصف النه
غير الألم والآه ماشفنه منه
——————————-
مريم حسين
كلفه الدموع اطيح ومفارك احباب
والكلفه راح اتزيد وبديرة اجناب
——————————-
الشاعر ياسرالركابي
كلفه اليمر بالدار مقفوله بيبان
يذكر اخوته اهواي للعنده وجدان
——————————-
ابو احمد العراقي العراقي
كلفه من امر عالدار وحشه وخليه
طلعت ابراده اليوم من فرك اديه
——————————-
احمد مازن البيضاني
كلفه وكلافه وعيب واكبر حرامات
الجنت احبه هواي شفته اويه شمات
——————————-
الشاعر ياسرالركابي
كلفه وحسب حسبات حسباته ونه
يتبره من الروح لو بعد عنــــــــه
——————————-
زاهر المعموري
كلفة الدمع ينهال يم النحبهم
صعبة وكلافة اتزيد لو شفنه همهم
——————————-
جليل الغريب
كلفه واكول اتهون لكن زماني
خلاني اصيح الموت وانه ابمكاني
——————————-
الشاعر حسين الساعدي
كلفه وجبيره اتصير عد الاجاويد
ما تنسي وللموت يامدت الايد
——————————-

احمد مازن البيضاني
كلفه وصرت موزين لمن جفوني
لو طحت عادي تهون ماكوموني
——————————-
الشاعر ياسرالركابي
كلفه اليحب ويكول جنت اضحك اعليك
فرجه ابحلك شمات يمكن يسويك
——————————-
الشاعر حسين الساعدي
كلفه ويطيح الجان يمشي ابرهاته
والمن يدير العين كلهم شماته
——————————-
احمد مازن البيضاني
كلفه اليحب ويكول جنت العب انه
مايدري بيدي يصير هوه وخوانه
——————————-
الشاعر ياسرالركابي
كلفه ابحلك شمات كلساعه ويكول
باطل الحك ايصير لو بالحجي ايطول
——————————-

الشاعر ابوعباس الركابي
كلفه وتكول تهون انه عظيدك
لمن وصلت الراك هدتني إيدك
——————————-
زاهر المعموري
كلفة التمد الايد صعبة وأليمة
صوچ الوكت ياحيف وسفة وهضيمة
——————————-
مريم حسين
كلفه ونسيت ابساع كل الليالي
رخصت حته الروح لجلك يغالي
——————————-
ابو احمد العراقي العراقي
كلفه وهظيمه وعيب تتورج اعداي
كص لحمي كص مرخوص بس كصه بهداي
——————————-
الشاعر حسين الساعدي
كلفه الشحيحه اتصير عد المعازيب
والنعجه هذا اليوم تتغده بالذيب!
——————————-
علاء البغدادي
كلفه وثكيلهه هواي كلمة شماته
اشبكَه بحب فلان بس ذكرياته
——————————-
الشاعر ياسرالركابي
كلفه اليكول اليوم مانشتهي الجاي
تحله ابسبع ونات ومخالف الراي
——————————-
احمد مازن البيضاني
كلفه اليقيس الناس بس بلدراهم
لو يبقه هذا الراي ماريد اساهم
——————————-
زاهر المعموري
كلفة الوطن مالوم ياخوتي كلفه
اليتخله عنه اليوم بالباري احلفه
——————————-
الشاعر ياسرالركابي
كلفة كلف من كال كافلنه ماراح
يرجع ابتالي اليل هم ناخذ ارباح
——————————-
الشاعر علي الشويلي
كلفه وتهد الحيل بس عاندتهه
وظحك رغم مانار بيه شعلتهه
——————————-
احمد مازن البيضاني
كلفه وسهل وتهون واتناسه همي
لوجبت كل الكون مابدله بمي
——————————-
مريم حسين
كلفه ويجيني العيد ما شفتك اوياي
حسبالي باول يوم تتعنه عناي
——————————-
زاهر المعموري
كلفة النعاس ابعين لليكتب اشعار
اعتذر اني هواي عدنه الفجر صار
——————————-
الشاعر ياسرالركابي
كلفه اليجوع ابليل ماعنده والــــــــــــي
حالي اعله حال الجاع هيج اني حالي
——————————-
الشاعر ياسرالركابي
كلفه وتضل موجود ياريتك اوياي
اتمنا كون اشوف وتحسب ابهاي
——————————-
زاهر المعموري
كلفة وچبيرة هواي ننساهه الايتام
ابوالينا ابو الحسنين ماظنهه تنضام
——————————-
الشاعر ياسرالركابي
كلفه او بقيت اهنا بس اني موجود
يالمادريت اشلون صارن بالخدود
——————————-
الشاعر ياسرالركابي
كلفه اليحب اشخاص مايحجي بيهم
يتخيل الصفنات ويمر عليهـــــــــم
——————————-

الشاعر ابوعباس الركابي
كلفه ولبو الحسنين ابلادي اتهيد
عام بفرح وبخير ماشايف العيد
——————————-
الشاعر ابوعباس الركابي
كلفه وثجيله هواي عل راسه عالي
اول جنت ونشار واصبحت تالي
——————————-
الشاعر ياسرالركابي
كلفه اليشوف اثنين بس هوه محتار
واحد ابنص الروح والثاني بالدار
——————————-
الشاعر ابوعباس الركابي
كلفه وثجيله هواي الراتب صرفته
براس الشهر خلصان خليه سكته

——————————-
الشاعر ابوعباس الركابي
هوليحب اثنين هم عنده صاحب
صح المثل لوكال يحسبونه عايب
——————————-
جليل الغريب
كلفه الدموع اتطيح غصبن عليه
شو ما اجت وياي وين المنيه!!
——————————-
سيد حامد النعيمي
كلفه ابحلگ بذات والشامت احباب
تنعد اليه اجروح واخفيهه لسباب
——————————-
سيد حامد النعيمي
كلفه اصبحت دنياي والعازه تكتل
ظيم ومرض وهموم فوكاهن الذل
——————————-
الشاعر ياسرالركابي
كلقة لحن من شاف معزوفه حزنان
ويخاوي حتى الناي لو عتده خوان
——————————-
الشاعر علي الشويلي
كلفه الخيانه هواي وتشيب الراس
والاصعب يمر بيك من اقرب الناس
——————————-
الشاعر ابوعباس الركابي
حسبالي امعزلين كمت ان انعس
ماادري بالديون بعده يهوس
——————————-
الشاعر ابوعباس الركابي
معزبه وسيعت بال بت المضايف
دله وكرامه وجود وحلى السوالف
——————————-
الشاعر محمد هاشم الحسناوي
كلفه على ورده بهاي ام غيره وحساس
جابت كباب بليل ماعزمت الناس
——————————-
الشاعر ابوعباس الركابي
لحنه الوفى تكول روحت يمكم
مشتمه ريحت هيل وينه كرمكم
——————————-
الشاعر علي الشويلي
والله وثلت تنعام من الركابي
اهديله كون يريد شمعث شبابي
——————————-
الشاعر ابوعباس الركابي
تسلم وانه الك ممنون يبن الشويلي
كون الوكت كنطار تصير انته حيلي
——————————-
الشاعر ابوعباس الركابي
الديواني خله وراح بس انه سهران
وكعدت كل الناس حل وكت الوذان
——————————-
Muaid Ch Alkhalidy
كلفه حيل الليل من يخلص دمع
ومو عيون اللي تصبه ..
تنزف دموع الكلب جوه الضلع

——————————-
Muaid Ch Alkhalidy
كلفه اليريد يموت بفراك الاحباب
الهم شهر يا ناس مادكو الباب
——————————-
زاهر المعموري
كلفة العشا موجود رحنه وتركناه
بالعافية الاخوان ماقصرو اوياه
——————————-

الشاعر ياسرالركابي
كلفه اليعيش ابضيم لو حبه مدفون
ينطر توالي اليل بالكت يذكرون
——————————-
مهند مجيد حميد
كلفه كلام الطيب لمن تكولة
وشمحله بيك افعال كلهن رجوله
——————————-

بواسطة : جليل الغريب

شاهد جميع مقالات

مقالات ذات صلة

فديو اليوم

ادعية مختارة

اتصل بنا

يتصفحون الموقع

Flag Counter

التقويم

ديسمبر 2017
ن ث ع خ ج س د
« يوليو    
 123
45678910
11121314151617
18192021222324
25262728293031
hacklink wordpress free themes meme büyültme hacklink satış e sigara hacklink al

sirinevler escort ankara escort wordpress seo eklentisi istanbul escort istanbul escort kızlar antalya escort wordpres escort teması eskişehir escort hacklink satış www.joyetech-tr.org www.elektronik-sigaran.com joyetech www.Es-cort.club