جديد الموقع : مسابقة تكلمة الدارمي بقيادة الشاعر حسين الساعدي ::أتلاوه ويه الضيم  «»   الشاعر محمود المدرس تصدح حنجرته بحب صاحب الذكرى الامام ابي محمد الحسن  «»   الشاعر محمود مري  «»   مساجلة الغربيل بقيادة الشاعر علي الركابي  «»   مساجلة ولادة الاقمار الاطهار عليهم السلام ::الشاعر حسين الساعدي  «»   الليله ميلاد الحُسين الليله–صلاوات الشاعر حسين الساعدي  «»  

 

ليل الحادي عشر
ابو احمد العراقي العراقي‎
ليل الحادي عشر
ليل الوداع
…………………………………….
اَ ه ياليل اهدعش بيه اشجره
نار تسعر بالدليل اموجره
حرم وعليل ويتامه ميسره
واَل هاشم عالثرى يوذرونهه
. . . . . . . . .
نار بالدلال ما تقبل تهيد
على الغبره اشجم كمر واشجم عميد
عكب عِزٍنه انكوم ننكاد بحديد
شعدهه هاي الكوم من عدنه اشتريد
شلون بالاسياد تتحكم عبيد
ذبحو الرضع يخويه من الوريد
اعتب اعله الموت واعتابي اشيفيد
وسفه واعداكم تصدلي اعيونه
واَل هاشم عالثرى يوذرونهه
. . . . . . . .
بويه غربه وليل واحنه ابلا ولي
والمصاب حسين احضر ياعلي
ليش انادي وما يردلي كافلي
يا كمر هاشم عكب عينك شلي
خويه عكبك منهو يبري المحملي
وكلبي بالايتام حاير مبتلي
خويه ترضه شلون زينب تنولي
وبيد اميه اتروح وايسرونهه
واَل هاشم عالثرى يوذرونهه
. . . . . . . .
خويه هاي خيامنه الصارت رماد
وتسحك اعلا اطفالكم خويه الجياد
الله واكبر ماكو رحمه بهل عباد
ولا مخافه البيهم اليوم المعاد
ريت نشمي يصيح حي اعله الجهاد
وريت فقارك يبويه بهل بلاد
حقد ابو سفيان بالطف بويه عاد
اكباد اَل المصطفى ايكطعونهه
واَل هاشم عالثرى يوذرونهه
. . . . . . . .
اَه ياليل اهدعش والفاجعه
ما يخلونه الاخونه انودعه
لا ابو لا ام تحضره المصرعه
كلبي ليش اعداك هيج اتروعه
خيام حركوهه ويتامه ملوعه
ريت تحضر ياعلي بهل واقعه
بويه والعباس ظل عالمشرعه
وعكبه يابويه الحرم يسبونهه
واَل هاشم عالثرى يوذرونهه
. . . . . . . .
وين اخوي حسين جاوين الكفيل
جَن علينه الليل بصياح وعويل
اعتب واعرف عتابي اشكد ثجيل
شلون ترضه اعداك بالخدر تعيل
خويه درب الشام يصعب عالعليل
والله خويه امصابكم رض الدليل
المن اشجي شلون لو حملي يميل
وحتى عيني من البجه يمنعونهه
واَل هاشم عالثرى يوذرونهه
. . . . . . .
اَه ياليل اهدعش ليل الغدر
ويه فركه حسين ينفع ياعذر
شلون بالايتام لو طر الفجر
وحشه درب الشام واليحدي زجر
اَه والشبان ناحرهه الشمر
والرضيع شلون مكطوع النحر
اليوم ثار حنين اخذوه وبدر
حتى ذرية علي يمحونهه
واَل هاشم عالثرى يوذرونهه
. . . . . . . . .
اَه ياليل الوداع ابلا وداع
وياسفينه التمشي لو طاح الشراع
ريت حمزه ايعود صياد السباع
ايشوف بينه اشلون تنهش هل ضباع
شلون دين المصطفى يشرى ويباع
والدواعش تفترس بينه وجياع
راح يتجدد على الشيعه الصراع
بكل زمن ترجع سقيفه ولونهه
واَل هاشم عالثرى يوذرونهه
………………………………….
ابو احمد العراقي اللآمي

بواسطة : جليل الغريب

شاهد جميع مقالات

مقالات ذات صلة

فديو اليوم

ادعية مختارة

اتصل بنا

يتصفحون الموقع

Flag Counter

التقويم

ديسمبر 2017
ن ث ع خ ج س د
« يوليو    
 123
45678910
11121314151617
18192021222324
25262728293031
hacklink wordpress free themes meme büyültme hacklink satış e sigara hacklink al

sirinevler escort ankara escort wordpress seo eklentisi istanbul escort istanbul escort kızlar antalya escort wordpres escort teması eskişehir escort hacklink satış www.joyetech-tr.org www.elektronik-sigaran.com joyetech www.Es-cort.club