جديد الموقع : مسابقة تكلمة الدارمي بقيادة الشاعر حسين الساعدي ::أتلاوه ويه الضيم  «»   الشاعر محمود المدرس تصدح حنجرته بحب صاحب الذكرى الامام ابي محمد الحسن  «»   الشاعر محمود مري  «»   مساجلة الغربيل بقيادة الشاعر علي الركابي  «»   مساجلة ولادة الاقمار الاطهار عليهم السلام ::الشاعر حسين الساعدي  «»   الليله ميلاد الحُسين الليله–صلاوات الشاعر حسين الساعدي  «»  

الشاعر حسين الساعدي

‎الشاعر حسين الساعدي‎

بس انته اشعفتلي؟
تعالوا نتساجل
اليوم وكل يوم في كروب الشاعر حسين الساعدي

:::::::::::

كل واحد بينه يطرح مظلوميته ويعبر عن همومه
انا اتهمك بظلمي وانت تتهمني بظلمك
مثلا
اقول

عفتلك دمعة اعيوني
عفتلك حيرة اظنوني
عفت ناس اليلوموني
بس
انته
اشعفتلي؟

::
ليكون جوابك مثلا!

:
عفت ليل ابمواويله
عفت قيس وعفت ليله
عفتلك كلبي يا ويله!
بس
انته اشعفتلي؟
ااالساعدي
:::
وهكذااااااا
رد عليك وترد بنفس هالموضوع والوزن
سهله وبسيطه لكن راح تكون رائعه لو التزمنا بالشروط المذكوره!
والمبتدئين راح يتقوون اكثر
والمبدعين راح يتألقون بالابداع
وياريت تكون المشاركات موزونه حته يصير واهس بالرد
ورجاءا خل نبتعد على القوافي اللي راح تنطرق بهذه المساجله
والمساجله حصريا في كروب الشاعر حسين الساعدي
مع اجمل التحايا

————————————
الشاعر حسين الساعدي
عفتلك روح مجروحه
عفت جيه وعفت روحه!
عفتلك دمعه مطروحه!
بس انته اشعفتلي
ااالساعدي
————————————
غريدة الشعر عراقيه
عفتلك رجفة أيديني
وعفتلك عمري وسنيني
وعفتلك شوك يضنيني
بس انته أشعفتلي ؟؟
————————————
الشاعر حسين الساعدي
عفتك بالفرح عايش
وعايفني ابوسط داعش
عفت روحي وعله المامش
بس انته اشعفتلي؟
االساعدي
————————————
غريدة الشعر عراقيه
عفتلك ناري وأسراري
عفتلك دمع مشواري
عفتلك مسك أخباري
بس أنته أشعفتلي ؟؟؟
————————————
الشاعر حسين الساعدي
عفتلك ويلي ياويلي
عفت ونه ابمواويلي
عفت ضحكاتك ابليلي!
بس انته اشعفتلي؟
ااالساعدي
————————————
غريدة الشعر عراقيه
عفتلك ضحكه رنانه
عفتلك روحي زعلانه
عفتلك لهفة ضميانه
بس انته شعفتلي ؟؟؟؟
————————————
أبو خالد العايدي
عفتلك شمعه مضويه
وعفتلك كومه حنيه
وعفت هالنوم ليليه
بس
أنته شعفتلي ؟؟
————————————
غريدة الشعر عراقيه
عفتلك رغبة مكنونه
وعفتلك لوعة مضمونه
أحبك وانه ممنونه
بس انته أشعفتلي ؟؟؟
————————————
الشاعر حسين الساعدي
عفت ورده وعفت ريحه
وعفت عيد ابمراجيحه
وعفتلك صاحت الصيحه!!
بس انته اشعفتلي
ااالساعدي
————————————
غريدة الشعر عراقيه
عفتلك أثر وجداني
وعفتلك وجه رباني
أحبك موت يالجاني
بس انته اشعفتلي ؟؟
————————————
مريم حسين
عفتلك روح متعلكه
عفت اعيوني للملكه
عفت دمعاتي محتركه
بس انته اشعفتلي؟؟
مريم
————————————
غريدة الشعر عراقيه
عفتلك لهفه مجنونه
وعفتلك شعري وعيونه
عذولي ايصيح ياعونه
وك انته اشعفتلي ؟؟
————————————
الشاعر حسين الساعدي
فتلك كلب هستوه
عاشك والعشك بلوه
عفتلك ضحكتي الحلوه
بس انته اشعفتلي؟
االساعدي
————————————
الشاعر حسين الساعدي
عفت عيني ونظر عيني
وعفت ذكره التأذيني
عفتلك فدوه خليني!
بس انته اشعفتلي
ااالساعدي
————————————
غريدة الشعر عراقيه
عفتلك مي ورد آني
عفتلك غزل أعماني
يالروحك أبفنجاني
بس انته أشعفتلي ؟؟
————————————
شهكه شعر
عفتلك كلبي المورد
عفتلك حزني اليغرد
عفتلك عمري يتفرهد
بس انته شعفتلي..!
شهكة..
————————————
الشاعر حسين الساعدي
فتلك كلبي وأشواكه
عفتلك روحي مشتاكه
عفتلك يمته نتلاكه!!
بس
انته اشعفتلي؟
————————————
أبو خالد العايدي
عفت هالناس لظنونك
وعفتلك روحي خيعونك
عفت لوني وصرت لونك
بس
أنت شعفتلي
————————————
الشاعر حسين الساعدي
عفتلك فرحة ايامي
وعفتلك لهفة احلامي
وعفتلي اهمومي كدامي
بس انته اشعفتلي؟
————————————
مريم حسين
عفت اجنوني لجنونك
وعفت دمعاتي لعيونك
وعفتلك ومضة اشلونك!
بس انته اشعفتلي؟
————————————
الشاعر حسين الساعدي
عفتلك دمعه تتوضه
عفتلك بالشعر ومضه
عفتلك الله مايرضه!
بس
انته اشعفتلي؟
ااالساعدي
————————————
شهكه شعر
عفتلك بوسه عالخدين
عفتلك ذكرة عالشفتين
عفتلك روحي تذكر زين..!
بس انته اشعفتلي..؟
شهكه..
————————————
عكاب جراح الفاران
عفتلك روح مختنكه
بقهر وهموم وبحركه
تنطر ساعة الملكه
بس انته شعفتلي
————————————
الشاعر عدنان البديري
عفت بحه وعفت شركه
عفت نار وعفت حركه
عفت غصني ابلا وركه
هوه انته شعفتلي.؟!؟!
————————————
Hameed Alshamree
عفتلك گلب بالباكيت
وعفتلك عين مال أم بيت
وعفتلك روح لو مريت
بس انت اشعفتلي ؟
————————————
عكاب جراح الفاران
عفتلك شهكه بانفاسي
يالماتدري باحساسي
عفتلك كلب ماناسي
بس انته شعفتلي
————————————
مريم حسين
عفت الساعدي ابحاله!
عفتلك حته مواله
عفتلك ونه جتاله!
بس
انته اشعفتلي!
————————————
الشاعر حسين الساعدي
عفت اهلي وعفت داري
وعفتلك دفتر اشعاري
عفتلك والدمع جاري!
بس
انته اشعفتلي؟
————————————
أبو خالد العايدي
عفت رأيي وخذت رايك
شربت سموم وي مايك
عفت روحي لعزف نايك
بس أنت شعفتلي؟؟
————————————
غريدة الشعر عراقيه
عفتلك روحي سالوفه
عفتلك نظري وشوفه
عفتلك حلم بطيوفه
متكلي أشعفتلي ؟؟
————————————
ربيع الشعر
عفت شدة ورد حمره
عفتلك بالگلب ذكره
عفتلك دعوه بالحضره
بس انت شعفتلي
احمد
————————————
الشاعر حسين الساعدي
عفتلك بالله تانيني
عفتلك ليش ناسيني
عفتلك شمعة اسنيني
بس
انته اشعفتلي؟
االساعدي
————————————
غريدة الشعر عراقيه
عفت بختي وخذت بختك
عفت جنتي وصحت جنتك
عفت ونتي وخذت ونتك
بس أنته أشعفتلي ؟؟
————————————
علمتني الحياة الحياة
عفتلك شوك يمدلل
عفتلك ورد مايذبل
عفتلك ضحكه ماتنمل
بس انت شعفتلي
————————————
جليل الغريب
عفتلك ليلي والشمعه
عفتلك بالجفن دمعه!
عفتلك دعوه بالجمعه
بس
انته اشعفتلي؟
جليل الغريب
————————————
الشاعر حسين الساعدي
عفتلك كل تحياتي
عفتلك هايه دمعاتي
وعفتني ابين شماتي!
بس انته اشعفتلي؟
ااالساعدي
————————————
ابو علي الجابري
عفتلك روحي اوناري
اوعفتلك صورتي بداري
اوعفتلك دفتر اشعاري
بس انت اشعفتلي
————————————
مريم حسين
عفتلك لو تلاكيني
تعال ابروحي دليني
عفتلك تيهت عيني
بس انته اشعفتلي
————————————
ربيع الشعر
عفتلك ميمر وهوسه
عفتلك قصه مدروسه
عفتلك عالزند بوسه
بس انت شعفتلي
احمد
————————————
الشاعر حسين الساعدي
عفتلك عوفني ابحالي
عفتلك والدمع غالي!
وعفتني ابحزن يبرالي!
بس انته اشعفتلي؟
ااالساعدي
————————————
Mohnad Almnwal
عفتلك كلشي بيه وكلبي همين
عفتلك كل فرحتي وتعب السنين
وعفتني وغمضتهه العين ؟
بس انته شعفتلي
————————————
الشاعر حسين الساعدي
عفتلك روح ولهانه
عفت دمعات ريانه
عفتلك ذاكه ملكانه!
بس انته اشعفتلي؟
ااالساعدي
————————————
علي المنسي
عفتلك گلب ينزف شوگ
وسوالف عاشگ ومعشوگ
وحنين الماتحنه النوگ
بس انت اشعفتلي؟
————————————
ربيع الشعر
عفت شمه وعفت لمسه
عفت اشواگي والهمسه
عفت مصباحي وي شمسه
بس انت شعفتلي
احمد
————————————
Hameed Alshamree
عفتلك عيني والروح
وعفتلك گلب كله جروح
وعفتلك صوت مامبحوح
بس انت اشعفتلي ؟
————————————
مودي الصالحي
حلفتلك ما احب ثاني
عفتلك كليبي تراني
عفتلك ربعي واخواني!!
بس انته شعفتلي ؟
مودي الصالحي
————————————
الشاعر حسين الساعدي
عفتلك جادر ابابي
عفتلك صورة امصابي
عفتلك ذكره بكتابي
بس انته اشعفتلي؟
ااالساعدي

————————————
علمتني الحياة الحياة
عفت عمري الك شمعه
وعفت كلبي الك قلعه
وعفت روحي الك ربعه
بس انت شعفتلي
————————————
ربيع الشعر
عفتلك ليله گمريه
عفتلك ورده جوريه
عفتلك لمسه سحريه
بس انت شعفتلي
احمد
————————————
مريم حسين
عفتلك عيد بألوانه
خذت كل الحزن أنه
عفتلك روح وجعانه!
بس انتَ اشعفت لي؟
مريم
————————————
ربيع الشعر
عفتلك روح مشتاگه
عفت حسرات حراگه
عفت شبگات الملاگه
بس انت شعفتلي
احمد
————————————
Hameed Alshamree
عفت اهاتي والحسرة
وعِفت الصُحبة والعِشرة
وعفتلك ناري مستعرة
اااه لو ادري اشعفتلي ؟
————————————
الشاعر حسين الساعدي
عفت بغداد مجروحه
عفتلك روح مذبوحه
عفتلك غلطه ممسوحه!
بس
انته اشعفتلي؟
االساعدي
————————————
Mohnad Almnwal
عفتلك ابقه احبك وراح اضل اهواك
عفتلك انته روحي وشلون كلي انساك
عفتلك ورده حمره وذبلتهه وياك
كل هذا وبعد انته شعفتلي
————————————
جليل الغريب
عفت نومي ابسهر ليلي
عفت حالي وعفت حيلي
عفتلك كل تواسيلي!
بس
انته اشعفتلي؟
جليل الغريب
————————————
ربيع الشعر
عفتلك ذكريات الحال
عفتلك كل هدوء البال
عفتلك چلمة التنگال
بس انت شعفتلي
احمد
————————————
غريدة الشعر عراقيه
عفتلك بالعشك رايه
عفتلك ضحكه وحجايه
عفتلك ريحة ولايه
يا يابه شعفتلي ؟؟؟
————————————
الشاعر حسين الساعدي
عفت جرحي وعفت ثاري
وعفت ريمه وعفت ساري!
وعفتني ابحيرة افكاري
بس انته اشعفتلي؟
ااالساعدي
————————————
ربيع الشعر
عفتلك چلمه تتردد
عفتلك گلب يتنهد
عفت اشواگ ماتنعد
بس انت شعفتلي
احمد
————————————
غريدة الشعر عراقيه
رحت الريمه والساري
واتكاشفت أسراري
يابه شحلوة من طاري ؟؟
متكلي
أكتبتلي ؟؟
————————————
ربيع الشعر
عفت اشعار غريدة
عفتلك احلى تنهيدة
عفتلك كل التريده
بس انت شعفتلي
احمد
————————————
علمتني الحياة الحياة
عفتلك اهلي وي ناسي
وعفتلك روحي واحساسي
عفتلك وردي وي ياسي
بس انت شعفتلي
————————————
الشاعر عدنان البديري
عفت كلشي وعفت مامش
عفت راح استفي ابداعش
وبعد راح اكتب الهامش
بس……
انته شعفتلي
————————————
الشاعر حسين الساعدي
عفتلك فرصه للتوبه
عفتلك كلبي ودروبه
عفت سالوفه مكلوبه!
بس انته اشعفتلي
االساعدي
————————————
ربيع الشعر
عفتلك خطوه بدروبي
عفتلك دبچة الچوبي
عفت چلمة يمحبوبي
بس انت شعفتلي
احمد
————————————
الشاعر حسين الساعدي
عفتلك فرحه موجوده
وعفتلك طلبه مريوده!
وعفتني ابساعة السوده!
بس انته اشعفتلي؟
االساعدي
————————————
غريدة الشعر عراقيه
عفتلك وجه كمرايه
عفتلك روح شرايه
عفتلك منطقي ورايه!!
بس انته شعفتلي ؟؟
————————————
غريدة الشعر عراقيه
عفتلك أحله بوساتي
ولا حسبت ساعاتي
ضحيت الك راحاتي
متكلي أشعفتلي ؟؟؟
————————————
ربيع الشعر
عفتلك اغنية فيروز
عفت چف الگضاه العوز
عفت حرگة شهر تموز
متگلي شعفتلي
احمد
————————————
غريدة الشعر عراقيه
عفتلك كلب من جوهر
وعفتلك دمعتي وأكثر
عفتلك ناااار تتوجر
بعد روحي شعفتلي ؟؟
————————————
الشاعر حسين الساعدي
عفتلك ترضه ماترضه
عفتلك مبسم الفضه
عفتلك كلمن وحضه!!
بس
انته اشعفتلي؟
ااالساعدي
————————————
ربيع الشعر
عفتلك غنوة ام كلثوم
عفت طير المحبة يحوم
عفتلك دعوة(ربي تدوم)
بس آآآه شعفتلي
احمد
————————————
غريدة الشعر عراقيه
عفتلك عين صقريه
وعفتلك روح شعريه
وعفتلك لهفه جمريه ؟؟
ياعيووووني أشعفتلي ؟؟
————————————
Zaed Alkazimi
عفتلك زهره أيامي
وكفتلك شوفه احلامي
وعفت ايديه واجدامي
بس انت شعفتلي!
————————————
الشاعر حسين الساعدي
عفتلك كلمة اشلونك
عفتلك أنه مجنونك
عفت راحو يبعدونك!
بس انته اشعفتلي؟
ااالساعدي
————————————
ربيع الشعر
عفتلك يل چنت غافي
وشعر ليلك على أچتافي
عفتلك نوحة الصافي
بس انت شعفتلي
————————————
Zaed Alkazimi
عفتلك مايي وجروفه
وعفتلك گلبي وحروفه
وعفتلك حالي وظروفه
بس انت شعفتلي!
————————————
الشاعر مهند الجبوري
عفتلك روحي متولعه
عفتلك عالجفن دمعه
عفتلك امل للرجعه
بس انت اشعفتلي
الجبوري
————————————
الشاعر حسين الساعدي
عفتلك بالكلب حسره
وعفت بغداد والبصره
وعفتلي ابخطوتي العثره!
بس انته اشعفتلي؟
االساعدي
————————————
ربيع الشعر
عفتلك صوتي والبحه
عفت رويحتي الوكحه
عفت ليل الوفه وصبحه
بس كلي شعفتلي
احمد
————————————
Zaed Alkazimi
عفتلك ورده مغروسه
وعفتلك عمري وشموسه
وعفتلك بالوجن بوسه
بس انت شعفتلي!
————————————
الشاعر حسين الساعدي
عفت كلمن تلَكاني
وجيتك وانته تنساني!
عفت اهلي اويه جيراني
بس انته اشعفتلي؟
ااالساعدي
————————————
ربيع الشعر
عفتلك عفت ماعفته
عفتلك شفت ماشفته
عفتلك ضحكة السكته
بس انت شعفتلي
احمد
————————————
الشاعر حسين الساعدي
عفتلك حرثه مسكونه
عفتلك دمعه مصيونه
عفتلك خل يلومونه!
بس انته اشعفتلي
ااالساعدي
————————————
ربيع الشعر
عفت السله والعنگود
عفت الزرع والمحصود
عفت الگصد والمگصود
بس انت شعفتلي
احمد
————————————
الشاعر حسين الساعدي
تكول الساعدي وينه
اليوم انوشل اسنينه
وعفت عالركبه سجينه!
بس انته اشعفتلي
االساعدي
————————————
غريدة الشعر عراقيه
انثرلتلك مي ورد آني
عفت أهلي ويه خلاني
صرت بالروح تنعاني
ليش انته أشعفتلي ؟؟؟
————————————
جليل الغريب
عفتلك دمعتي ابعيني
عفت كلبي وشراييني
عفتلك ليش ناسيني؟
بس
انت ااشعفتلي!
جليل الغريب
————————————
علاء سعدون
عفتلك عطريق ورود
عفتلك اعز ماموجود
عفتلك حب بلايا حدود
بس انت شعفتلي
————————————
الشاعر مهند الجبوري
عفت اهلي وعفت ناسي
عفتلك روحي واحساسي
عفتلك شهكه بنفاسي
بس انته اشعفتلي؟
————————————
غريدة الشعر عراقيه
عفتلك عطري والعنبر
عفتلي احجاية التقهر
عفتلي اللوم والأكثر
تاليهه أجرحتني ؟؟
————————————
Zaed Alkazimi
عفتلك سله القداح
وعفتلك شوفه المصباح
وعفتلك كل زماني الراح
بس عيني شعفتلي!
————————————
ربيع الشعر
عفتلك روح تتساجل
عفتلك غصن يتمايل
عفت اشواگي تتغازل
بس انت شعفتلي
احمد
————————————
مودي الصالحي
عفتلك كل هلي وناسي
خليتك على راسي
عفتلك حتى اصل ساسي
بس انته شعفتلي ؟
مودي الصالحي
————————————
Zaed Alkazimi
عفتلك كتبي واطباعي
وعفتلك چفي وذراعي
وعفتلك أذني واسماعي
بس انت شعفتلي!
————————————
غريدة الشعر عراقيه
يالتسمع رياض أحمد
يالبشعر تتورد
أحبنك ولا أنرد
ياعيوني أذبحتني ؟؟؟
————————————
ربيع الشعر
عفتلك عشك ماينضم
عفتلك كل شي مايرهم
عفتلك للجرح مرهم
متكلي شعفتلي
احمد
————————————
غريدة الشعر عراقيه
أقرالك آية الكرسي
وأشمك من نفس نفسي
وأصيحن فدوة لا تقسي؟؟
ولامرة أرحمتني ؟؟؟؟
————————————
الشاعر مهند الجبوري
عفتلك صوت وي صوره
عفتلك روحي مسطوره
عفتلك دمعه مكسوره
بس انته اشعفتلي؟
————————————
علاء سعدون
عفتلك حيل مال صباي
عفتلك راحتي بدنياي
عفتلك فرحتي وسلواي
بس انته شعفتلي
————————————
غريدة الشعر عراقيه
عفتلك نبضي وي مايه
عفت شريانك ويايه
عفتلك روحي وهوايه
ياعيووووني أشعفتلي ؟؟؟
————————————
غريدة الشعر عراقيه
أكلك عفيه نتساجل
أكلك مرة نتقابل
يالتعبي ماتستاهل
أبرجفااتي وعفتني ؟؟؟؟
————————————
Zaed Alkazimi
عفتلك رنه بالمسمع
عفتلك ضلي يتبع
عفتلك روحي ماترجع
بس انت شعفتلي!
————————————
الشاعر احمد الشمري
عفتلك شفه ورديه
تريد اشفاك يوميه
بعد كل حيل ما بيه
بس انته شعفتلي
————————————
غريدة الشعر عراقيه
صرتلك غنوة يوميه
صرتلك وردة عطريه
صرتلك حسجة شعريه
متكلي أشصرتلي ؟؟
————————————
ربيع الشعر
عفتلك كل شي ماينعاف
عفتلك كل شي ماينشاف
عفتلك وردة الصفصاف
حاچيني شعفتلي
احمد
————————————
الشاعر احمد الشمري
عفتلك ذكرى باقلامي
عفتلك ليلي واحلامي
نطيتك أجمل ايامي
بس انت شعفتلي
————————————
جليل الغريب
عفتلك هايه ومضاتي
وأشواكي وتحياتي
عفتلك كل ملذاتي!
بس
انته اشعفتلي
جليل االغريب
————————————
غريدة الشعر عراقيه
صرتلك أجمل ولايه
صرتلك حسن وغوايه
صرتلك ماي وروايه
ياعيوووني أشصرتلي؟؟؟
————————————
مريم حسين

عفتني وما الك جيه
عفتني ابدربي يوميه
اتاني وروحي مسبيه
بس انت اشعفتلي
مريم
————————————
ربيع الشعر
عفت ليلى وعفتلك قيس
وصغتك چن عرش بلقيس
عفتلك دعوة القديس
بس انت شعفتلي
احمد
————————————
الشاعر حسين الساعدي
عفتلك بيه مابيه
عفت عمري ابتواليه
عفتلك دمعه عيديه!
بس
انته اشعفتلي!
ااالساعدي
————————————
الشاعر حسين الساعدي
عفتلك بالدرب نصه
عفتلك بالعشك قصه!
عفتلك بالعمر فرصه
بس انته اشعفتلي
اااالساعدي
————————————
ماجد الساعدي
عفتلك عين سهرانه
عفتلك روح بردانه
عفتلك ناس ولهانه
جا انته شعفتلي
ماحد
————————————
الشاعر حسين الساعدي
عفت موال المسافر
عفت هسه وعفت باجر
وعفتني ابصفنة الشاعر!
بس انته اشعفتلي؟
ااالساعدي
————————————
غريدة الشعر عراقيه
صرتلك غصن لبلاب
وسميتك أعز لحباب
وأنطيتك بلايه احساب
شوترد وحاسبتني ؟؟
————————————
الشاعر احمد الشمري
عفتلك عسل بشفافي
حظن محتاجك ودافي
صفيت لوحدي وغافي
بس انت اشعفتلي
————————————
جليل الغريب
عفت اهلي عفت ناسي
عفت الماضي لبراسي
عفتلك عمري واحساسي
بس انته اشعفتلي؟
جليل الغريب
————————————
مريم حسين
عفت شمعه ابصوانيها
عفت لهفه ابمعانيها
عفتلك ونته تدريها!
بس انته اشعفتلي
مريم
————————————
Zaed Alkazimi
عفتلك لمه اخوتنه
وعفتلك طيب روضتنه
عفت ويه العنب سلتنه
بس انت شعفتلي!
————————————
الشاعر حسين الساعدي

عفتلك ما اعوفنك
عفتلك تبتعد فنك!
عفتلك جيت أشوفنك
بس
انته اشعفتلي
ااالساعدي
————————————
الشاعر احمد الشمري
عفتلك دمعه حراكه
تصيح وحيل مشتاكة
دفكر يوم نتلاكة
واكولن صح عفتلي
————————————
حسن الشاعر
عفتلك اعيون حراكه
عفتلك كلب واشواقه
عفتلك روح ملهوفه
بس انته اشعفتلي
حسن الشاعر
————————————
غريدة الشعر عراقيه
صرتلك أدب وأصغاء
وصرتلك أعذب الاسماء
ياعمري يانار ومااااء
متكلي أشصرتلي؟؟؟
————————————
مريم حسين
عفتلك هايه صفناتي
عفت دعوه ابصلاواتي
الك وشلت دمعاتي
بس انته اشعفتلي؟
مريم
————————————
الشاعر حسين الساعدي
عفتلك ركصه جوبيه
تركص بيها يوميه
عفتلك صافيه النيه
بس انته اشعفتلي!
ااالساعدي
————————————
الشاعر احمد الشمري
صرتلج وردة فواحه
واعيشج دوم مرتاحه
وانتي لقفلي مفتاحة
بس كلب افتحيلي
————————————
جليل الغريب
عفتلك منخطف لوني
عفتلك بيك لاموني
عفتلك ذكره بظنوني
بس
انته اشعفتلي
جليل الغريب
————————————
الشاعر قاسم علي
عفتلك روحي تبرالك
تكلك كلشي يجرالك
فرح ماليهن اسلالك
بس انته شعفتلي
————————————
الشاعر حسين الساعدي
عفتلك خطوه تسياره
عفتلك شوك العماره
وعفتني ابدنيه غداره
بس انته اشعفتلي
ااالساعدي
————————————
الشاعر قاسم علي
عفتلك شوكي وحلامي
عفتلك شعري وقلامي
وعفتني بديرة ا?مي
بس انته شعفتلي
————————————
الشاعر قاسم علي
عفتلك حب و? منه
عفتلك دينه بس جنه
وعفتني بحركة الونه
بس انته شعفتلي
————————————
الشاعر قاسم علي
عفتلك فرحه لسنينك
عفتلك بس اليعينك
وعفتني بنص سجاجينك
بس انته شعفتلي
————————————
غريدة الشعر عراقيه
عفتلك صورة من مرمر
عفتلك تسمية قيصر
عفتلك بيت من جوهر
ياعيووووني أقهرتني ؟؟؟
————————————
غريدة الشعر عراقيه
عفتلك احله احضاني
عفتلك أجمل ألحاني
يالأهواك بس آني
أهوايه أجرحتني ؟؟
————————————
الشاعر قاسم علي
عفتلك كلب مجنونك
عفتلك ضحكه لسنونك
و? ريد اليقهرونك
بس انته شعفتلي
————————————
الشاعر قاسم علي
عفتلك مو جرج عمري
عفتلك حبي ضل يسري
احبك تدري ما تدري
بس انته شعفتلي
————————————
الشاعر مهند الجبوري
عفتلك احلا ايامي
عفتلك باقي احلامي
عفتلك شعري واقلامي
بس انته اشعفتلي؟؟؟
————————————
ربيع الشعر
عفتلك شوگ ماينعد
عفتلك بوسه فوگ الخد
عفتلك عشگي المورد
بس انت شعفتلي
احمد
————————————
ربيع الشعر
عفتلك يانجم سعدي
عفتلك جرح ظل يدي
عفتلك چم حلم وردي
بس انت شعفتلي
احمد
————————————
ربيع الشعر
عفتلك شجرة الزيتون
عفتلك لوعة المفتون
عفتلك وآنه الك ممنون
بس انت شعفتلي
احمد
————————————
ربيع الشعر
عفتلك نار لسّاعه
يمركب عمري وشراعه
عفتلك ماخذت ساعه
بس گلي شعفتلي
احمد
————————————
الباطل طب بعينة
عفتلك ناربضلوعي
غبت وطفن شموعي
عفتلك يجرا”دموعي
بس انته شعفتلي
الصالحي
————————————
الباطل طب بعينة
عفتلك روح مشتاكه
نجرح كلبي علفراكه
عفت كلبي ابع?كه
بس أنته شعفتلي
الصالحي
————————————
شاعر حر
عفتلك اجمل ايامي
عفتلك شوگي واحلامي
عفت جرحك الضامي
بس
انته
أشعفتلي

الحررررررر
————————————
شاعر حر
عفت ونه أبدواوين
عفت بلضهر سجين
عفتلك دمعه بلعين
بس
انته أشعفتلي

الحرررررررر
————————————
شاعر حر
عفت بلروح بسمار
عفت گلبي يوج نار
عفتلك عطر تذكار
بس
انته أشعفتلي

الحرررررررر
————————————
شاعر حر
عفتلك ذكره بلغرفه
عفتلك روحي الترفه
عفت أعيون ماتغفه
بس
انته
أشعفتلي

الحررررررر
————————————
شاعر حر
عفت بلخيمه اطفال
ضماهم يهد الجبال
عفتلك جفي مغتال
بس
انته أشعفتلي

الحرررررررر
————————————
Mustafa Lawyer
عفتلك خطوة يم حسين
عفتلك طيب يكفي اسنين
عفتلك وردة بلجفين
بس
انت شعفتلي
————————————
جواد الكعبي
عفتلك ومضه بكَروبك
كَلتها وصرت محبوبك
لانها بروعة اسلوبك
بس
انته شعفتلي
جواد الكعبي
————————————
Mustafa Lawyer
عفتلك دارمي العشاك
عفتلك نغمة المشتاك
عفتلك بلكلب اشواك
بس انت أشعفتلي
————————————
مودي الصالحي
عفتلك قفشه شعريه
عفتلك بيت ابوذيه
عفتلك وحيل مابيه
حاجيني
شعفتلي
————————————
ربيع الشعر
عفتلك هيل بالگهوه
عفتلك فصلي والعطوه
عفتلك لحني والغنوه
بس كلي شعفتلي
احمد
————————————
ربيع الشعر
عفتلك ياهنا وجودي
عفتلك عزتي وجودي
عفت مايي وعفت جودي
بس انت شعفتلي
احمد
————————————
ربيع الشعر
عفتلك كل شخابيطي
عفتلك كل خرابيطي
عفت سنارتي وخيطي
بس انت شعفتلي
احمد
————————————
ربيع الشعر
عفتلك رسمي واللوحه
عفتلك گلبي مرجوحه
عفتلك نغم صبوحه
بس انت شعفتلي
احمد
————————————
ربيع الشعر
عفتلك اغنية الاطرش
عفتلك ايد تتحرش
عفت عمري الك ينطش
بس انت شعفتلي
احمد
————————————
ربيع الشعر
عفتلك ياعنب ياتين
عفتلك ورد البساتين
عفتلك يانسم تشرين
بس انت شعفتلي
احمد
————————————
غريدة الشعر عراقيه
عفتلي هيل بالكهوه
وعفتلك منزله وحظوة
عفتلي حجاية التسوة
من فدوة أشعفتلي ؟؟؟
————————————
ربيع الشعر
عفتلك شعر قباني
عفتلك نثر جبراني
عفتلك سجع طوقاني
بس انت شعفتلي
احمد
————————————
ابو علي الجابري
عفتلك روحي واحزاني
عفتلك ابني واخواني
اوعفتلك صدق جيراني
بس انت اشعفتلي
————————————
ربيع الشعر
عفتلك كل زماني الضاع
عفتلك يل هجرت بساع
عفتلك شهگة النعناع
بس انت شعفتلي
احمد
————————————
ربيع الشعر
عفت نهري الك ياسد
يتفاحة يخد وخد
ياعشگ الامس والغد
بس انت شعفتلي
احمد
————————————
ربيع الشعر
عفتلك كل ارز لبنان
عفتلك شجرة المرجان
عفتلك كان ياماكان
بس انت شعفتلي
احمد
————————————
Mustafa Lawyer
عفت اح?م ورديه
عفت دجله وشواطيه
عفت كلبي النكت بيه
بس انته اشعفتلي
————————————
Mustafa Lawyer
عفت دمعات تجوي الخد
عفتني وإني مالي أحد
عفت نحري الك مبرد
بس انته اشعفتلي
————————————
Mustafa Lawyer
عفت الورد ويه الياس
عفت دمعات بيهه إحساس
عفتلك شيب وسط الرأس
بس انته اشعفتلي
————————————
Mustafa Lawyer
عفتلك ذني اعيوني
عفت ناس اليعشكوني
عفت ربعي اليريدوني
بس انته اشعفتلي
————————————
روز الغزايه
عفتلك ياصبر صبري
عفتلك حب نهر يجري
عفتلي حيرتي وقهري
بس انته اشعفتلي
————————————
روز الغزايه
عفتلك روحي مسجونه
عفتلك شوفي وعيونه
عفتلي نار مكنونه
بس كلي شعفتلي
————————————
روز الغزايه
عفتلك عيني والدمعه
عفتلك كلبي شيرجعه
عفتني بأرضك الوسعه
بس كلي شعقتلي
————————————
Mustafa Lawyer
عفتلك شعر بي ديوان
عفتلك من الورود اغصان
عفتلك بلكلب شريان

متكلي اشعفتلي ؟؟؟
————————————
ربيع الشعر
عفتلك ماگلتلك بس
عفتلك پاون مخمس
عفتلك معضد ومحبس
متكلي شعفتلي
احمد
————————————
ماجد الساعدي
عفتلك كلبي وفراحه
كَتلك هاك مفتاحه
عفتلك روح مرتاحه
بس انته شعفتلي
————————————
Mustafa Lawyer
عفتلك زهره من زهره
عفتلك ورده بس حمره
عفتلك روحي الك حره
متكلي اشعغتلي ؟؟؟؟
————————————
ربيع الشعر
عفتلك شمعة القنديل
عفتلك دعوة اسمعيل
عفتلك مصحف وانجيل
متكلي شعفتلي
احمد
————————————
ربيع الشعر
عفتلك عفة العفه
عفتلك بوسه عالش….
عفتلك ياالف وسفه
متكلي شعفتلي
احمد
————————————
Mustafa Lawyer
عفتلك شفه ورديه
عفتلك بسمه روحيه
عفتلك نغمة ترجيه
وتكلي اشعفتلي ؟؟؟؟
————————————
ربيع الشعر
عفتلك صوغه من صوغه
عفتلك بالگلب شوغه
عفتلك قصة مصيوغه
بس انت شعفتلي
احمد
————————————
Mustafa Lawyer
عفلك بيت بي افراح
عفتلك حجرة المرتاح
عفتلك زهرة القداح
بس انت أشعفتلي؟؟؟
————————————
ربيع الشعر
عفتلك ياحجر صندل
عفتلك وآنه مااندل
عفتني برحمة المنجل
بس شوف شعفتني
احمد
————————————
ربيع الشعر
عفت يمك السياره
عفتلك بيتي واسراره
عفتني وماالك چاره
بس شوف شعفتني
احمد
————————————
Mustafa Lawyer
شعايفلي همومك شيب
عايفلي الدمع مو عيب
عايفلي الشماته تصيب
وتكلي عفتلك ؟؟؟؟
————————————
ربيع الشعر
عفت يمك السوناته
عفت ديچ ودجاجاته
عفت بلبل وبيضاته
وتگلي شعفتلي
احمد
————————————
ربيع الشعر
عفت الميز والكنتور
وعفت الساعة والديكور
متخلي الطبق مستور
لتكلي شعفتلي
احمد
————————————
ربيع الشعر
عفتلك حتى چربايه
عفتلك حتى المرايه
عفت قاط وعفت صايه
وتكلي شعفتلي
احمد
————————————
ربيع الشعر
عفتلك قاصه بيهه فلوس
عفتلك فرش مامديوس
عفت تراك ماملبوس
بس انت شعفتلي
احمد
————————————
ربيع الشعر
عفت شلون ثلاجة
عفتلك حاجه محتاجه
عفتلك شمعه وهاجه
بس انت شعفتلي
احمد
————————————
الشاعر زاهد المسعودي
عفتلك كلشي وكلاشي
عفتك سيري وكلاشي
عفتلك وانته وك لاشي
عفتلي
————————————
ربيع الشعر
عفتلك بالممر گازه
عفتلك حتى عكازه
عفتني بعازة العازه
بس انت شعفتني
احمد
————————————
Mustafa Lawyer
عفتلك خبزة محروكة
عفتلك بيضة مسلوكة
عفتلك طيرة مخنوكة
وتكلي اشعفتلي ؟؟؟
————————————
ربيع الشعر
عفتلك حتى ستوته
وعفت يمك البنوته
عفتلك رايه مبخوته
وتكلي شعفتلي
احمد
————————————
الشاعر زاهد المسعودي
عفتلك كتلي والقوري
عفتلك صونده وبوري
وصورة عزة الدوري
عفتلي
————————————
Mustafa Lawyer
عفتاك صوبه مال عزاز
عفتلك دوشك البزاز
عفتلك لكمه المعتاز
وتكلي اشعغتلي ؟؟؟
————————————
ربيع الشعر
عفت بالمطبخ الطباخ
عفته وماصحتلك آخ
عفت چاكوچ والطخماخ
بس انت شعفتلي
احمد
————————————
Mustafa Lawyer
عفتلك تاير الادة
عفتلك صفنه العادة
عفتلك طمع لسادة
وتكلي اشعفتلي ؟؟؟؟
————————————
ربيع الشعر
عفتلك شعر مامقري
عفتلك دفتر بصدري
عفتلك دم دمع يجري
وتكلي شعفتلي
احمد
————————————
جليل الغريب
الشاعر زاهد المسعودي
عفتلك كتلي والقوري
عفتلك صونده وبوري
وصورة عوة الدوري
غفتلي
————————————
جليل الغريب
عفتلك هيل بالطاوه
عفتلك كليو بقلاوه
عفت اجبال شقلاوه
بس
انته شعفتلي
————————————
الشاعر زاهد المسعودي
عفتلك منتجع ساوه
عفتلك ماي عين كاوه
مصيبة وحش بالطاوه
عفتلي
————————————
شاعر حر
عفتلك گلب مامتعوب
عفتلك عطربجمل ثوب
عفت دمعات جن يعقوب
بس
انته أشعفتلي

الحررررررر
————————————
Mustafa Lawyer
عفت الخيط والمخيط
عفت موجاتي يم الشط
عفت عطري بهواك يعط
ودكلي اشعفتلي ؟؟؟؟
————————————
شاعر حر
عفتلك وردات الصبح
عفتلك دنيه منلفرح
عفت الف وسبعمية ذبح
بس
انته أشعفتلي

الحرررررر
————————————
Mustafa Lawyer
عفتلك اه لو ادري
عفتلك يا قهر عمري
عفتلك نهر بس يجري
بس كلي اشعفتلي ؟؟؟؟
————————————
Mustafa Lawyer
عفتلك ديرة العشاك
عفتلك صفنه المشتاك
عفتلي حيره مال فراك
وتكلي عفتلي ؟؟؟؟
————————————
ربيع الشعر
عفتلك جرحي والامه
يفرحة عمري وايامه
يتفاحه ويشمامه
بس انت شعفتلي
احمد
————————————
Mustafa Lawyer
عفت الروح يمعود
عفت الكلب يتمدد
عفت كلماتي الك تشهد
بس كلي اشعفتلي ؟؟؟
————————————
ربيع الشعر
عفتلك نوحي واشجاني
يبعد عيون خلاني
عفتني بنار بركاني
شوف انت شعفتلي
احمد
————————————
ربيع الشعر
عفتلك فوگ وجناتك
حملت آهات وناتك
عفتلي سموم چلماتك
شوف انت شعفتلي
احمد
————————————
الشاعر زاهد المسعودي
عفتلك عُمر وشويه
عفتلك تعب يوميه
رضيع ابصفه مميه
عفتلي
————————————
Mustafa Lawyer
عفتلك كلشي بس تاني
عفتلك زرع بستاني
معروف وساعدي اني
بس كلي اشعفتلي ؟؟
————————————
ربيع الشعر
عفتلك مي يمس عودي
عفتلك حب يمسعودي
يشاعرنه يمسعودي
شوف انت شعفتلي
احمد
————————————
الشاعر زاهد المسعودي
عفتلك مالي وقصوري
عفتلك الترا الكوري
الف وسفه انضرب بوري
عفتلي
————————————
ربيع الشعر
عفتلك مدرسه وروضه
عفتلك روضه من روضه
يوزن اشعاري وعروضه
بس انت شعفتلي
احمد
————————————
Mustafa Lawyer
عغت حلوات الك بيه
عفت تمثال حوريه
يمسعودي الفخر ليه
شوفني اشعفتلي ؟؟؟
————————————
ربيع الشعر
عفتلك يامن اوصافك
تبهذل حال من شافك
عفت وشمي على اردافك
وتكلي شعفتلي
احمد
————————————
ربيع الشعر
عفت گَرصه على خصرك
عفت بصمه بوسط صدرك
عفت عضه على نحرك
وتكلي شعفتلي
احمد
————————————
Mustafa Lawyer
عفتلك روح منسيه
تغار عليك يوميه
وين الجرح يا حيه
وتكلي عفتلك؟؟؟؟
————————————
الشاعر ياسرالركابي
عفت الكلب ووتاره
عفت البيت والحاره
عفت وضاعت اخباره
بس انت
اشعفتلي
ديواني
————————————
ربيع الشعر
عفتلك ذكريات صباي
ياعشك المضه والجاي
ياشمسي وگمر دنياي
وتكلي شعفتلي
احمد
————————————
الشاعر زاهد المسعودي
عفتلك بيت ابوذيّه
عفتلك صوره شعريه
عفتلك شعر شنهيه ؟
العفتلي
————————————
Mustafa Lawyer
عفت خطواتي فوك الغيم
عفت كلماتي بيهه نغيم
عفت ودكلي راح نديم
بس كلي اشعفتلي ؟؟
————————————
ربيع الشعر
عفتلك لمسه بمتونك
عفتلك كحله بعيونك
عفتلي عضة سنونك
شوف انت شعفتلي
احمد
————————————
ربيع الشعر
عفتلك حضنه نص الليل
عفتلك حيل هد الحيل
عفتلك لذة التقبيل
وتكلي شعفتلي
احمد
————————————
الشاعر محمد السيد علي
عفتلك كلبي واسراره
عفتلك فكري وافكاره
عفتلك شوكي ؤناره
وتكلي شعفتلي
————————————
Mustafa Lawyer
تدري اشعفتلك

عفتلك شمة للغركان
عفتلك راحه للتعبان
عفتلك حسره للمعدان

شوفني اشعفتلي اندم
شوفني جروحك كم
شوفني وعلي تحلم
بطران اشعفتلي ؟؟؟
————————————
ربيع الشعر
عفتلك نفسي تشكيلك
عفتلك شفتي تحچيلك
عفت حيلي اليهد حيلك
شوف انت شعفتلي
احمد
————————————
ربيع الشعر
عفتلك كل شي يامهيوب
عفتلك يااعز محبوب
عفتني بنارك وماتوب
شوف انت شعفتلي
احمد
————————————
ربيع الشعر
عفتلك نفس بانفاسك
عفت لمسة بوسط راسك
عفتني وفضلت ناسك
شوف انت شعفتلي
احمد
————————————
ربيع الشعر
عفتلك وآنه الك احمد
عفتلك ناري تتجمد
عفتني وماصحت احمد
شو چنك عفتني
احمد
————————————
الشاعر محمد السيد علي
عفتلك اني احبك
وظل طول العمر جمبك
ورد ازرعلك ابدربك
كلي انته اشعفتلي
————————————
Mustafa Lawyer
عفت كلشي جبتلك عين
عفت بكلبي الك سجين
عفت اهلي وشريتك دين
بله انت اشعفتلي ؟؟؟
————————————
الشاعر محمد السيد علي
عفتلك شعري يحجيلك
يغنيلك يناغيلك
ينور شمعه وبليلك
وتكلي اشعفتلي
————————————
الشاعر محمد السيد علي
عفتلك حبه بندوله
والك عين اصبحت حوله
وشعر مابي ابد لوله
بس انته اشعفتلي
————————————
Mustafa Lawyer
عفتلك كلبي يم لباب
عفتلك صدكي يم جذاب
عفتلك شعر للسياب
شوفني اشعفتلي ؟؟؟
————————————
غريدة الشعر عراقيه
عفتلك ثوبي المعطر
عفتلك روح كالمرمر
عفتلك نهر يلأسمر
حسااافه وعطشتني؟؟؟
————————————
Mustafa Lawyer
عفتلك عين لجاحظ
عفتلك كاتب وحافظ
عفتلك ماكلت رافظ
يله انت اشعفتلي ؟؟؟؟
————————————
غريدة الشعر عراقيه
عفتلي عيون حسادي
عفتلك ملكي وامجادي
عفتلك مايي وي زادي
شو رحت انكرتني ؟؟؟
————————————
Mustafa Lawyer
عفتيلي الجرح صوبين
عفتيلي دموع العين
عفتيلي البشر ميتين
وتكولي عفتلك ؟؟؟؟!!!
————————————
ربيع الشعر
عفتلك عضة شفافي
عفت حضني الگلت دافي
عفتني وگلت لك كافي
شكافي يل عفتني
احمد
————————————
ربيع الشعر
عفت حلقة باصابيعك
عفت آه لمواجيعك
يغالي وعمري مابيعك
بس انت نكرتني
احمد
————————————
ربيع الشعر
عفت نومتنه بالبستان
عفتلك وانتچي بستان
عفتني وماگلت بستان
شوف انت شعفتلي
احمد
ربيع الشعر
تفسير
الثاني
ب ستان (للتچوه)
الثالث بس تان (تاني انتظر)
————————————
Mustafa Lawyer
عفتوني لوحدي بس اشعر
عفتوني بلكروب افتر
عفتوني ونمتو ما انطر

بسيطة اشعفتولي بله ؟؟
————————————
الشاعر حسين الساعدي
عفتلك جنه فواحه
عفتها ابسبب تفاحه!
وجبتني الدنيا ذباحه!
دشوف انته اشعفتلي؟
ااالساعدي
————————————
الشاعر حسين الساعدي

عفتلك رحمة الباري
عفتلك صفنة اسراري!
عفتلك ومضه باشعاري
بس
انته اشعفتلي؟
ااالساعدي
————————————
الشاعر حسين الساعدي

عفت ضحكاتبي لعيونك
عفت كل اليعوفونك!
عفتلك نغمة اشلونك
بس انته اشعفتلي؟
ااالساعدي
————————————
الشاعر محمد السيد علي
عفتلك دفتر اشعاري
ورسايل بيها افكاري
ودمع عل خد الك جاري
بس انته اشعفتلي
————————————
الشاعر محمد السيد علي
عفتلك اني اعيوني
عفت كل اليعرفوني
تغير بالهجر لوني
وتكلي اشعفتلي
————————————
Mustafa Lawyer
عفتلك انه راحة بال
مهره ومالكت خيال
وحبك بالگلب مازال
فسرلي شعفتلي؟؟؟
————————————
ربيع الشعر
عفتلك سكة من سكة
عفتلك حجتي بمكة
عفتلك كل بصل عكة
شوف انت شعفتلي
احمد
————————————
ربيع الشعر
عفتلك يمن ماتنعاف
عفتلك گلبي ياشفاف
عفتلك نغمة الغرّاف
شوف انت شعفتلي
احمد
————————————
ربيع الشعر
عفتلك غفوة باحضانك
عفتلك ورده باغصانك
شتلتهه بگاع بستانك
شوف انت شعفتلي
احمد
————————————
Mustafa Lawyer
عفت بسمه على شفتك
عفت نغمة بوسط اذنك
عفت كلشي ولا عفتك
هسه انت اشعفتلي ؟؟؟
————————————
Mustafa Lawyer
عفتلي وحشة العشاك
عفتلي صفنه مال فراك
عفتلي احلام بس تنباك
ودكلي عفتلك ؟؟؟؟
————————————
غريدة الشعر عراقيه
عفتلك انه راحة بال
مهرة ولاكت الخيال
وحبك بالقلب لازال
متكلي أشعفتلي ؟؟؟؟
————————————
Mustafa Lawyer
عفتلج نهر فايض شوك
عفتلج طيب كله عروك
عفتلج عاشك و معشوك
وانتي ولا عفتيلي ؟؟؟
————————————
روز الغزايه
احاجيك اشعفت انه
عمر وامطرزه الوانه
ولكم روحي ولهانه
حاجيني
اشعفتلي
————————————
روز الغزايه
عفتني وايدي مكسوره
عفتني اوروحي مهجوره
عفتني اوعفت هل جوره
ليش انته
اشعتلي
————————————
روز الغزايه
عفتلك كلشي او كلشي
عفتلك عيني او رمشي
تعال اشبيك ما تمشي
بس انته اشعفتلي
————————————
Mustafa Lawyer
اشعفتلج ؟!!!
عفتلج صوغه ترجيه
عفتلج ضحكة ابنيه
عفتلج اسنين مبنيه
ودكولي اشعفتلي؟؟
————————————
Mustafa Lawyer
عفتلج غيرة المعدان
عفتلج كشخه الديوان
عفتلج ..والكلب تعبان
لا دكولي اشعفتلي ؟؟؟
————————————
روز الغزايه
عفتك كمت اتعثر
عفتك صابني هلضر
عفتك ولك يمخصر
بس انت اشعفتلي
————————————
Mustafa Lawyer
عفت اطفال تسبكني
عفت كلشي اليريحني
عفت دموع تحركني
هذا انت العفتلي ؟؟؟؟
————————————
ماجد الساعدي
عفت لجلك الما ينعاف ..
عفتلك شجره الصفصاف.
عفتلك حرس كون تخاق
بس انته شعفتلي
————————————
روز الغزايه
عفتلك أعذب أنغامي
عفتلك كلبي الضامي
عفتلي كسر بعضامي
بس
انته
شعفتلي
————————————
Mustafa Lawyer
عفتلي حاله بيهه اعجاز
عفتلي شامت من اعزاز
عفتلي والجروح كزاز
مو هذا العفتلي ؟؟؟
————————————
روز الغزايه
عفتلك دمعي ياغالي
عفت أهلي وعفت حالي
عفتلك حته د?لي
بس إنته شعفتلي
————————————
ماجد الساعدي
عفتلك كَلب كل جمار…
عفتلك فاله يم مكوار…
عفتلك خلك بس افكار ..
جا انته شعفتلي
————————————
Mustafa Lawyer
عفتلج نكهه المرتاح
عفتلج شامخات افراح
عفتلج شوفي كلبي الطاح
ما ادري اشعفتلي ؟؟؟؟
————————————
ربيع الشعر
عفتلك دعوة الجمعه
عفتلك مية الف شمعه
عفت صوتي وعسى تسمعه
شوف انت شعفتلي
احمد
————————————
الشاعر جواد الكعبي
عفتلك روعة الأنسان
وجامع للنعم وجنان
حلاوة سورة الرحمن
بس انت شعفتلي
————————————
رعد الفياض الفياض
عفتلك ديرة من الهيل
كلب شاعر وغنوة ليل
عفتلك روحي نجم سهيل
وك انت شعفتلي ؟
————————————
روز الغزايه
عفتلك روحي واحساسي
عفت لجلك اعز ناسي
عفت كلشي وضعف ساسي
بس
انته
شعفتلي
————————————
رعد الفياض الفياض
تعال وخل اسولفلك
عفتلك روحي يم ضلك
جرح مايقبل يملك
بس انت شعفتلي
————————————
Mustafa Lawyer
عفت عيني على دروبك
عفت صفناتي بغروبك
عفت روحي لجل روحك
بله
انت
اشعفتلي ؟؟؟؟
————————————
ماجد الساعدي
عفت هلي وخواني ..
وعفت شخص لخاواني ..
وعفت كَلبي الاذاني …
بس انته شعفتلي
————————————
الشاعر مهند الجبوري
دومك شاغل افكاري
طفي ابجيتك ناري
عفتلك اسم بشعاري
بس انته اشعفتلي؟؟؟
————————————
رعد الفياض الفياض
عفتلك روحي جربة ماي
مظيف ودلة .. شور .. وراي
عفتلي الحسرة ونة ناي
اعرف انه شعفتلي
————————————
الفجر الصادق
عفت ابني وبناتي
عفت صومي وصلاتي
بس كلي شعفتلي
————————————
Mustafa Lawyer
عفت بس الله يدريني
عفت لجلك شراييني
عفت بس ما عفت ديني
فهمني اشعفتلي …؟؟؟
————————————
غريدة الشعر عراقيه
عفتلك قلقي كله
يالمثلك فلا مله
والله شوفتك فله
ياروحي شعفتلي ؟؟
————————————
Mustafa Lawyer
عفت يشعرك لسياب
عفت تمثالي يم لباب
عفت بفكاري جم احزاب
بس كلي اشعفتلي؟؟
————————————
رعد الفياض الفياض
عفتلك كل نبض خدران
حلم يم جفنك السهران
عفتلك شعر من عريان
بس انته شعفتلي؟
————————————
غريدة الشعر عراقيه
عفتلك تقره أبياتي
يالممسحت دمعااتي
اكلك عمري وأغاااتي
متكلي شعفتلي ؟؟
————————————
الشاعر جواد الكعبي
عفتلك حبي واشعاري
لهيب الشوكَ وي ناري
ومن نوحي جزع جاري
بس انته
شعفتلي
————————————
Mustafa Lawyer
عفت خسفه بوسط صدري
عفت رمحك ضرب نحري
عفت يعقوب من صبري
هسه انت اشعفتلي ؟؟؟
————————————
رعد الفياض الفياض
عفتلك كل نفس غالي
عفتهن وارجعت خالي
عرفتك تالي مو مالي
دفهمني شعفتلي ؟
————————————
غريدة الشعر عراقيه
عفتلك بسمة موراحه
عفتلك كلبي مصباحه
عفتلك روح مداحه
ياكليبي اشعفتلي ؟؟
————————————
غريدة الشعر عراقيه
عفتلك رشفة الفنجان
عفتلك بالصدر نهران
عفتلك رمشي الوسنان
ياعيووووني شعفتلي ؟؟؟
————————————
Mustafa Lawyer
عفتني مشتهي الشهكه
عفتني بحاله محتركه
عفتني لشامت الملكه
جازيني اشعفتلي؟؟؟
————————————
Mustafa Lawyer
عفتلك هزه الفنجان
عفتلك بلشعر ديوان
عفتلك بسمه بيهه اغصان
اشوفك وشعفتلي؟؟؟
————————————
غريدة الشعر عراقيه
فخامة شعري كدامك
أطب وأتحده من ضامك
أروحن فدوة لجدامك
دحاجيني شعفتلي ؟؟؟
————————————
Mustafa Lawyer
عفتلك غنوه ام كلثوم
عفتلك حب يكفي القوم
عفتلك ولكلب ملجوم
هسه انت اشعفتلي؟؟
————————————
رعد الفياض الفياض
عفتلك دارمي ونايل
رجعت وگلب ماشايل
عفتلك كل غنه داخل
بس انت شعفتلي
————————————
Mustafa Lawyer
عفت يمك نسيت الهام
عفت يمك ذكرت اوهام
عفت يمك اضن اجدام
بس انت اشعفتلي؟؟؟
————————————
Mustafa Lawyer
عفتلك تسعه بشهوري
عفتلك موجه ببحوري
عفتلك صادقه شعوري
هم انت عفتلي؟؟؟؟
————————————
الشاعرجواد الكعبي
عفتلك عالوجن دمعه
وحكَ الطاهره البضعه
بجاه الخمسه والتسعه
يجازيك اعله كتلي
وبس انت شعفتلي
————————————
الشاعرجواد الكعبي
عفتلك كَلبي المفرفح
بسمك يلهج ويصدح
بيك ولاتضن يفرح
وبس انته شعفتلي
————————————
الشاعرجواد الكعبي
عفتلك شعر بالقشله
كَلوب الناس ترعشله
وصحت يافشلة الفشله
لان انت شعفتلي
————————————
الشاعرجواد الكعبي
عفتلك وجع وي روحي
عليك ومابطل نوحي
اصيييييح واكَلب سطوحي
واناااااااااااادي
انته شعفتلي ؟؟؟؟؟
————————————
حسام البصراوي
عفتلك عيني يم صورة
وضل الكلب بفطوره
حبك جان الاسطوره
اجا شامت وخذ دوره
شوف انت شعفتلي
————————————
غريدة الشعر عراقيه
عفتلك هلة المدمع
عفتلك لهفة ماتهجع ؟؟
يالمثلك ولا أروووع !!
ياعيووووني أقتلتني ؟؟؟
————————————
غريدة الشعر عراقيه
أذا حبك الاسطورة
أذا روحك الشاجورة
تسميني العصفورة؟؟
ياعيوني شعفتلي ؟؟؟؟
————————————
ربيع الشعر
عفتلك رگبتي والهم
واسحن بالصبر والهم
عفتلك لوعتي والهم
بس انت شعفتلي
احمد
————————————
Mustafa Lawyer
عفت تغيرد عصفوري
عفتلك ارؤع اسطوري
عفتلك حته اعطوري
سمعني اشعفتلي ؟؟
————————————
Jwa Jwa
عفتلك ناكر ومنكر
وعليهم ابد مانكَدر
هم حساب المكَدر
واعمالي اشفعتلي
وبس انته شعفتلي
————————————
عفتلك خاطري المكسور
عفت سرّي الگلت مستور
عفتني سعفه بالتنور
شوف انت حرگتني
احمد
————————————
ربيع الشعر
عفتلك دمعه سچابه
عفتلك نار لهابه
يدفتر عمري وكتابه
اشوفك شكتبتلي
احمد
————————————
ربيع الشعر
عفت يمك لبن اربيل
عفتلك گوشر وزنبيل
عفتني انت بحجر سجيل
شوف انت شعفتني
احمد
————————————
غريدة الشعر عراقيه
الشامت أكره احضورة
ولا اخليه بالصورة
أسحكه وانه معذورة
لعيوووونك شفتني ؟؟
————————————
الشاعرجواد الكعبي
عفتلك دنيه مكَلوبه
ووطن بيه انلعب طوبه
ادري ماالي حوبه
وناوين اعله كتلي
————————————
ربيع الشعر
عفت يمك سهم شامت
عفت يمك عشگ صامت
عفتني انت وصحت لا مت
شوف انت شعفتني
احمد
————————————
Mustafa Lawyer
عفت ضحكه
عفت بسمه
عفت شفه
عفت رفه
عفت عيني عفت رمشي
عفت اجدامي ما تمشي
بس كلي اشعفتلي؟؟؟
————————————
غريدة الشعر عراقيه
عفت أكليبي بدموعه
ولاشميتني ابلوعه
تكلي دوم مكموعه؟؟؟؟
على بختك عفتني ؟؟؟
————————————
الشاعرجواد الكعبي
عفتلك صفنه يم راسي
عليك ودكَن اجراسي
واحبك يااعز ناسي
ها وانته شعفتلي
————————————
ربيع الشعر
عفتلك جيش آمرلي
وكلتلك والله آمرلي
يقائد جيشي وآمرلي
شوف انت شعفتني
احمد
————————————
Jwa Jwa
عفتلك حبي المشرشب
صايم ماقبل يشرب
وعن غيرك ولا يكَرب
ولك كَلي شعفتلي
————————————
Jwa Jwa
عفتلك عسل بيه سمي
لخاطر غيرتي وهمي
حتى تموت لو تعمي
اجن لو ماصرتلي
وبس انته شعفتلي
————————————
Mustafa Lawyer
عفت بحضانك امالي
عفت عقلي وعف بالي
عفت حته عفت حالي

وحضرتك ما عفتلي ؟؟
————————————
غريدة الشعر عراقيه
جواد / عفتلك كل جفاك بيوم
تذكر حبة الفاليووووم
وهالضحكه عساها اتدوووم
ماأنسه أشعفتلي ؟؟؟
————————————
حسام البصراوي
عفتلك نار بدلال
كلبي لم غراضه وشال
لئن يستنكف الانذال
وشامت يكلي تفور
تعالو اندل كبر محفور
اسكن لا تضل تخور
عفت اهلي وعفت
ناسي يعمري انت شعفتلي
————————————
غريدة الشعر عراقيه
عفتلك تسحك الشامت
احجي لا تضل ساكت
أبعدك لونه باااهت
بألوان أصبغتني ؟؟؟
————————————
حسام البصراوي
عفتلك جثه مشموره
شامت طلع اطيوره
يكص بلحم كلبي ويطعم بجوره
حبيبي انت شعفتلي
————————————
قاسم الطائي
عفتلك دمعه مسفوحة
وعفتلك كلبي مرجوحة
عفتلي احلام مذبوحه
شوف شقدمتلي
————————————
Mustafa Lawyer
عفتلي حسره يا ستار
بصدري تفلش المحتار
عفتلي اه بيهه اطوار
هذا من العفتلي؟؟؟
————————————
الشاعر منذر الدراجي
عفتلك جرح بس ماطاب
عفتلك شعب سوة اضراب
عفتلك جسم بس عطاب
بس انتة شعفتلي
————————————
الشاعر منذر الدراجي
عفتلك روح مهزومه
عفتلك جبدة مثلومة
عفتلك نظرة مسمومة
بس انتة شعفتلي
————————————
الشاعر منذر الدراجي
عفتلك عمري وسنيني
عفتلك شوكي واونيني
واريدك بس تحاجيني
بس انتة شعفتلي
————————————
منذر اسمك بروحي
يامنذر ولا منك
حاير وين أشوفنك
وشكد اسئلت عنك
سلامات
من ابعيد
وابعثلك
تحيات
الغريب
————————————

بواسطة : جليل الغريب

شاهد جميع مقالات

مقالات ذات صلة

فديو اليوم

ادعية مختارة

اتصل بنا

يتصفحون الموقع

Flag Counter

التقويم

ديسمبر 2017
ن ث ع خ ج س د
« يوليو    
 123
45678910
11121314151617
18192021222324
25262728293031
hacklink wordpress free themes meme büyültme hacklink satış e sigara hacklink al

sirinevler escort ankara escort wordpress seo eklentisi istanbul escort istanbul escort kızlar antalya escort wordpres escort teması eskişehir escort hacklink satış www.joyetech-tr.org www.elektronik-sigaran.com joyetech www.Es-cort.club